Shımbay rayonında IT-qalasha paydalanıwǵa tapsırıldı

Húrmetli Prezidentimiz tárepinen 2024-jıl 13-may kúni ótkerilgen videoselektor májilisinde  IT-tarawın shetki aymaqlarda da rawajlandırıw maqsetinde mámleketimizdiń bir qatar aymaqları qatarında Shımbay rayonında da IT-qalasha shólkemlestiriw belgilengen edi.

Usı tiykarda «Keńes» awıl puqaralar jıyını aymaǵında IT-qalasha qurılıp, búgin usı obekt paydalanıwǵa tapsırıldı. 

Atap ótiw orınlı, Prezidentimiz qalashalar jaslar ushın qolaylı orında bolıwı menen birge joqarı mamanlıqqa iye qánigeler bilim beriwi kerek ekenligi boyınsha ayrıqsha tapsırma bergen edi. Usı tiykarda, respublikamızdıń arqa rayonları jasları ushın qolaylı orınlardıń biri sıpatında usı aymaqta qalasha shólkemlestirildi. Bul qalasha óz náwbetinde, jaslardıń zamanagóy kásip hám bilim iyelewi ushın úlken imkaniyat ortalıqlarınıń birine aylanadı desek aljaspaǵan bolamız.