Shomanay rayonındaǵı kóp tarmaqlı poliklinikanıń óz aldına imaratı paydalanıwǵa tapsırıldı
Shomanay rayonı medicina birlespesine qaraslı Kóp tarmaqlı poliklinikanıń óz aldına imaratı joq ekenligi sebepli, medicina birlespesiniń bir bóliminde jergilikli puqaralarǵa xızmet etip kelgen edi.
Húrmetli Prezidentimizdiń 404-sanlı qararımenen rayonlıq poliklinikanıń jańa imaratın qurıw "Sociallıq islep shıǵarıw infrastrukturasın rawajlandırıw" baǵdarlamasına kirgizilip, 9,4 mlrd. sum qarjı tiykarında jańa imarat qurıldı hám paydalanıwǵa tapsırıldı.
400 qatnaw quwatlılıǵına iye jańa Kóp tarmaqlı oraylıq poliklinika zamanagóy medicinalıq ásbap-úskeneler menen támiyinlengen bolıp, medicinalıq járdem kórsetiw ushın barlıq zárúrli sharayatlar jaratılǵan. Bul bolsa óz gezeginde Ózbekstan Respublikası Ǵárezsizliginiń 34 jıllıq bayramı qarsańında xalqımız hám medicina xızmetkerleri ushın úlken sawǵa boldı.