Studentler turaq jayı paydalanıwǵa tapsırıldı
Ózbekstan Respublikasında joqarı bilimlendiriw sistemasında ámelge asırılıp atırǵan keń kólemli reformalar sheńberinde student-jaslardı qolaylı jasaw sharayatları menen támiyinlew máselesine ayrıqsha itibar qaratılmaqta. Usınday iygilikli jumıslardıń dawamı sıpatında Qaraqalpaqstan medicina institutında 350 orınlıq jańa studentler turaq jayı paydalanıwǵa tapsırıldı.
Bul turaq jaydıń mámleketlik ǵárezsizligimizdiń 34 jıllıǵı aldında paydalanıwǵa tapsırılıwı student-jaslar ushın úlken sawǵa boldı.
Studentler turaq jayınıń qurılıwı hám paydalanıwǵa tapsırıwı – alıs aymaqlardan kelgen hám kem támiyinlengen studentler ushın qolaylı hám qáwipsiz bilimlendiriw ortalıǵın jaratıw, olardıń oqıwǵa bolǵan imkaniyatların keńeytiwǵa qaratılǵan ilajardan esaplanadı.
Ońlaw jumıslarına instituttıń byudjetten tısqarı qarjıları esabınan 6 mlrd. sumǵa shamalas qarjı jumsaldı.