Kegeylidegi mektepke qosımsha imarat qurılıp, paydalanıwǵa tapsırıldı
Sońǵı jılları elimizde bilimlendiriw tarawına ayrıqsha itibar qaratılıp, bul baǵdarda bilimlendiriw mákemeleriniń materiallıq-texnikalıq bazasın bekkemlew, balalardıń sapalı bilim iyelewi ushın qolaylı sharayatlar jaratıw baǵdarında keń kólemli ilajlar ámelge asırılmaqta.
Usı baǵdardaǵı jumıslardıń ámeliy kórinisleriniń biri sıpatında Kegeyli rayonındaǵı 55-sanlı ayrım pánler tereńlestirilip oqıtılatuǵın klası bar ulıwma orta bilim beriw mektebine ulıwma bahası 5,2 milliard sumlıq, 320 orınǵa mólsherlengen qosımsha mektep imaratı qurıldı hám búgin Ǵárezsizligimizdiń 34 jıllıq bayramı aldınan paydalanıwǵa tapsırıldı.
Bul jańa imkaniyatlar perzentlerimizge bilim alıwda zamanagóy sharayatlar jaratıw, olardıń bilim hám qábiletlerin júzege shıǵarıw ushın xızmet etedi.