Qaraqalpaq mámleketlik universiteti Shımbay fakultetiniń studentler turaq jayı paydalanıwǵa tapsırıldı

Búgin, Berdaq atındaǵı Qaraqalpaq mámleketlik universiteti Shımbay fakultetiniń tolıq qayta ońlanıp, paydalanıwǵa tapsırılıp atırǵan studentler turaq jayınıń ashılıw saltanatı ótkerildi. 

Onda Qaraqalpaqstan Respublikası Joqarǵı Keńesiniń Apparat basshısı J.Idiyatullaev shıǵıp sóylep, Ózbekstan Respublikası ǵárezsizliginin 34 jıllıǵı hám imarattıń paydalanıwǵa tapsırılıwı múnásibeti menen jıynalǵanlardı qutlıqladı.

Ilajda Ministrler Keńesi Baslıǵınıń orınbasarı B.Ótemuratov, universitet rektorı, akademik A.Reymov, Shımbay rayonı hákimi A.Tajetdinov sonday-aq, universitet jámááti hám keń jámiyetshilik wákilleri qatnastı.

Atap ótilgenindey mámleketimizde jaslardı qollap-quwatlaw, olardıń múnásip bilim alıwı hám hár tárepleme jetik insan bolıp qáliplesiwi ushın keń imkaniyatlar jaratılıp berilmekte. 4,2 mlrd. sum qarjı tiykarında 150 orınlıq studentler turaq jayında kapital ońlaw jumısları alıp barılıp, student jaslar ushın barlıq qolaylı múmkinshiliklerdiń jaratılıwı mine usı baǵdardaǵı iygilikli islerden biri esaplanadı.