Nókis qalasında 25 máhálle imaratı paydalanıwǵa tapsırıldı

Máhálle - bul xalqımız turmısınıń, úrp-ádet hám qádiriyatlarınıń aynası esaplanadı. Sonlıqtan, búgingi kúnde elimizde húrmetli Prezidentimizdiń basshılıǵında xalıqtıń turmıs tárizin jaqsılaw, bunda puqaralar menen tikkeley islesiwshi máhálle institutın jetilistiriw, onıń sistemalı jumıs alıp barıwı ushın qolaylı sharayatlar jaratıw boyınsha keń kólemli jumıslar ámelge asırılmaqta.

Usınday iygilikli jumıslardıń dawamı sıpatında húrmetli Prezidentimizdiń máhálleler infrastrukturasın jaqsılaw boyınsha 408-sanlı qararı tiykarında Nókis qalasında 25 mákan puqaralar jıyınlarınıń imaratı jańadan qurıldı.

Ózbekstan Respublikası Ǵárezsizliginiń 34 jıllıǵı bayramında bul jańa máhálle imaratları paydalanıwǵa tapsırıldı.

Álbette, jańa imaratlar paydalanıwǵa tapsırılıwı usı aymaqlar turǵınlarınıń abadan turmısın támiyinlewge xızmet etedi.