«Jańadárya» awılında jańa sport zal paydalanıwǵa tapsırıldı

Ózbekstan Respublikası Prezidentiniń «2025-2027-jıllarda Ózbekstan Respublikasınıń sociallıq hám islep shıǵarıw infrastrukturasın rawajlandırıw ilajları haqqında»ǵı PQ-454-sanlı qararına tiykar, Taxtakópir rayonında sociallıq taraw infrastrukturasın bekkemlew boyınsha bir qatar jumıslar ámelge asırılmaqta.

Atap aytqanda, rayondaǵı «Jańadárya» APJ aymaǵındaǵı 19-sanlı ulıwma bilim beriw mektebi janında 1.7 mldr.sum  qarjı tiykarında zamanagóy, barlıq talaplarǵa juwap beretuǵın 12x24 ólshemdegi jabıq sport zal qurılıp, paydalanıwǵa tapsırıldı.

Sport zaldıń paydalanıwǵa tapsırılıwı mektep oqıwshıları ushın dene tárbiyası shınıǵıwların joqarı sapada ótkeriw, sport dógerekleriniń jumısın keńeytiw, jaslar arasında salamat turmıs tárizin qáliplestiriwge xızmet etedi.