Qaraqalpaqstanda Nókis-2 joybarı sheńberinde 200 MVt quwatlılıqqa iye samal stanciyası qurıladı

Aziya Rawajlanıw banki hám ACWA Power arasında Qaraqalpaqstanda 200 MVt quwatlılıqqa iye samal stanciyası hám Oraylıq Aziyadaǵı birinshi akkumulyator energiyasın saqlaw sistemasın óz ishine alǵan Nókis-2 joybarı boyınsha 51 mln dollarlıq shártnamaǵa qol qoyıldı.

Oraylıq Aziyadaǵı birinshi akkumulyator energiyasın saqlaw sistemasın óz ishine alǵan Nókis-2 joybarı mámleketti jılına 727 000 MVt/s artıq taza energiya menen támiyinleydi.

Joybar mámleketti jılına 727 000 MVt/s dan artıq taza energiya menen támiyinlep, CO₂ shıǵındıların azaytadı hám 200 den aslam jumıs ornın jaratadı.

Bul joybar Ózbekstannıń kem uglerodlı energiya keleshegine ótiw jolındaǵı áhmiyetli qádem bolıp esaplanadı. Joybar samal energiyasın akkumulyator tiykarında energiyanı saqlaw sisteması menen birlestirip, elektr tarmaǵınıń turaqlılıǵın hám energiya támiynatınıń isenimliligin arttıradı hám mámlekettiń elektr energiyasın islep shıǵarıw sistemasında qayta tiklenetuǵın energiya úlesin 2030-jılǵa shekem 54 procentke jetkeriw maqsetin qollap-quwatlaydı.