Қарақалпақстан Республикасы Жоқарғы Кеңеси Баслығының орынбасары сайланды

Usı jıldıń 10-sentyabr kúni Qaraqalpaqstan Respublikası Joqarǵı Keńesiniń gezeksiz jetinshi sessiyası bolıp ótti.

Sessiyaǵa Ózbekstan Respublikası Prezidentiniń keńesgóyi T.Xudaybergenov, Qaraqalpaqstan Respublikası Húkimet aǵzaları, qala, rayon hákimleri, huqıq qorǵaw uyımları hám taraw basshıları, ǵalaba xabar quralları wákilleri  qatnastı.

Sessiyanı Qaraqalpaqstan Respublikası Joqarǵı Keńesiniń Baslıǵı Amanbay Orınbaev kiris sóz benen ashtı hám basqarıp bardı.

Sessiyanıń kún tártibine muwapıq shólkemlestiriw máselesi, yaǵnıy «Qaraqalpaqstan Respublikası Joqarǵı Keńesi Baslıǵınıń orınbasarı tuwralı» másele kórip shıǵıldı.

Sessiyada Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev iyelep turǵan lawazımınan azat etildi.

Sonıń menen birge, Qaraqalpaqstan Respublikası Joqarǵı Keńesi Baslıǵınıń orınbasarı lawazımına Qaraqalpaqstan Respublikası Joqarǵı Keńesine 47-sanlı «Sanaat» saylaw okruginen deputat Nurazizov Radjapbay Kupalbekovichtiń kandidaturası usınıs etildi. 

Usınılǵan talabannıń kandidaturasın deputatlar kórip shıqtı hám qollap-quwatladı.

Qaraqalpaqstan Respublikası Konstituciyası 70-statyasınıń 4-bántine muwapıq Nurazizov Radjapbay Kupalbekovich Qaraqalpaqstan Respublikası Joqarǵı Keńesi Baslıǵınıń orınbasarı lawazımına saylandı.

Maǵlıwmat ornında aytıw kerek, R.Nurazizov tayınlawǵa shekem Qaraqalpaqstan Respublikası Ministrler Keńesi Baslıǵınıń Jámiyetlik hám diniy shólkemler menen baylanıslar boyınsha orınbasarı lawazımında islep kelgen.