Muǵallimler hám ustazlar kúni múnásibeti menen tálim-tárbiya sistemasında ayrıqsha órnek kórsetken xızmetkerlerden bir toparın sıylıqlaw haqqında

Ózbekstan Respublikası Prezidentiniń Pármanı

Elimizde tálim-tárbiya tarawın xalıqaralıq standartlar tiykarında rawajlandırıw, bul baǵdardaǵı reformalardıń nátiyjeliligin arttırıw, oqıw procesine aldınǵı tájiriybeler, innovaciyalıq pedagogikalıq texnologiyalardı keńnen engiziw baǵdarındaǵı múnásip úlesi, oqıwshı jaslarǵa zamanagóy bilim hám kásip-ónerlerdi úyretiw, olardıń intellektuallıq potencialın arttırıw, joqarı mamanlıqtaǵı kadrlardı tayarlaw, salamat hám bárkamal áwladtı kamalǵa keltiriw, perzentlerimizdi ana Watanǵa súyispenshilik hám sadıqlıq, milliy hám ulıwmainsanıylıq qádiriyatlarǵa húrmet ruwxında tárbiyalaw jolındaǵı úlken xızmetleri, jámiyetlik turmısta belsene qatnasıp atırǵanı, sonday-aq, elimizde bilimlendiriwge baylanıslı investiciyalıq joybarlardı tabıslı ámelge asırıp kiyatırǵanı ushın tómendegi muǵallimler sıylıqlansın:

«Mehnat shuhrati» ordeni menen:

Orazımbetova Guldarixa Kdirbaevna - Qaraózek rayonındaǵı 32-ulıwma orta bilim beriw mektebiniń inglis tili páni muǵallimi;

«Dwstlik» ordeni menen:

Qalbaeva Naubahar Perdebaevna - Nókis rayonındaǵı 1-ulıwma orta bilim beriw mektebiniń qaraqalpaq tili hám ádebiyatı páni muǵallimi;

«Shuhrat» medalı menen:

Jalelov Ilxam Klishbaevich - Qanlıkól rayonındaǵı 2-ulıwma orta bilim beriw mektebiniń shaqırıwǵa shekemgi baslanǵısh tayarlıq páni muǵallimi;

Orazbaev Jurabek Ibadullaevich - Ellikqala rayonındaǵı "Sarabiy" oqıw orayınıń basshısı;

Sarsenbaeva Uldaulet Ansatbay qızı - Bozataw rayonındaǵı 20-balalar muzıka hám kórkem óner mektebiniń baqsıshılıq klası oqıtıwshısı;

Yavidov Bahram Yangibaevich - Nókis mámleketlik pedagogikalıq institutı fizika oqıtıw metodikası kafedrası professorı.