Prezident: Jańa Ózbekstanda eń áhmiyetli taraw – bilimlendiriw, eń húrmetli insanlar – muǵallim hám ustazlar bolıp esaplanadı

Ótken segiz jılda bilimlendiriw hám ilimge qárejetler 6 esege arttırılıp, 378 trillion sum qarjı ajıratıldı. Altın-valyuta rezervlerimiz Ózbekstan tariyxında birinshi márte 50 milliard dollarlıq shekten astı.

– Ekonomikamız turaqlı ósip atır, resurs hám rezervlerimiz de jeterli.

Bul – baqsha, mektep, texnikum hám joqarı oqıw orınların qurıw, bilimlendiriw hám ilim dárgayların zamanagóy úskenelew, ustaz hám muǵallimlerdiń materiallıq mápdarlıǵın turaqlı arttırıp barıwdıń kepili emes pe?!

Bir sóz benen aytqanda, bilimlendiriwdiń sapasın arttırıw hám muǵallimler menen ustazlardıń miynet hám jasaw sharayatın jaqsılaw reformalarımızdıń eń tiykarǵı baǵdarı bolıp qaladı.

Sebebi, Jańa Ózbekstanda eń áhmiyetli taraw – bilimlendiriw, eń húrmetli insanlar – muǵallim hám ustazlar!, – dedi Prezident.