Usı aydan baqsha basshıları da mektep direktorınıń orınbasarı menen birdey aylıq alatuǵın boldı

Reformalardıń dáslepki basqıshında-aq mektepke shekemgi bilimlendiriw sistemasın rawajlandırıwǵa úlken itibar qaratıldı.

2017-jılı 4 mıńnan aslam máhállede bir de baqsha joq edi, qamtıp alıwı 27 procentten artpaytuǵın edi. Búgingi kúnde baqshalardıń sanı 38 mıńnan, qamtıp alıwı bolsa 78 procentten arttı.

Jaqında bilimlendiriw tarawında járiyalanǵan jańa jeńillik hám imkaniyatlar esabınan baqsha kirip barmaǵan birde-bir máhálle qalmaytuǵını, qamtıp alıwı da 80 procentten az bolmawı atap ótildi.

Baqsha tárbiyashılarınıń aylıǵı mektep muǵallimlerine teńlestirildi. Usı aydan baqsha basshıları da mektep direktorınıń orınbasarı menen birdey aylıq alatuǵın boldı. Bir sóz benen aytqanda, baqsha basshısı hám pedagoglardıń aylıǵı derlik 2 esege arttı.

Endi jeke menshik baqshalardaǵı tárbiyashılardıń aylıǵı hám bala qárejetiniń bir bólegi byudjetten qaplap beriletuǵın sistema engiziledi.

Prezident Shavkat Mirziyoev Muǵallimler hám ustazlar kúni aldınan taraw xızmetkerleri menen sóylesiw ótkermekte.