Ótken jılı tek ǵana shet tillerdiń ózinen 150 mıń jaslarımız xalıqaralıq sertifikatqa iye boldı

Hár jılı onlaǵan mıń mektep oqıwshıları shet tili hám pánler boyınsha xalıqaralıq sertifikatlar almaqta.

Máselen, 2016-jılǵa shekem jámi 2 mıń mektep oqıwshısı sertifikat alǵan edi. Ótken jılı tek ǵana shet tillerdiń ózinen 150 mıń jaslarımız xalıqaralıq sertifikatqa iye boldı.

Endi bunday sertifikatlar mekteptegi juwmaqlawshı imtixanlarda da tán alınatuǵını aytıldı.

-Búgingi ilajımızda ózi jas bolıwına qaramastan, júzlegen ul-qızlarımızdı joqarı sheklerge jeteklep atırǵan qaǵanlı qızımız Billura Ikramova da qatnaspaqta.

Billura qızımız top-200 likke kiretuǵın Ullı Britaniyanıń Reding universitetin tamamlap, úlken-úlken mákemelerden bolǵan mirátlerdi biykarlap, Romitannıń eń shetki awılındaǵı mektepte inglis tilinen sabaq bermekte.

Yamasa Oksford universitetiniń doktorantı Nodira Nabiyeva esitiw qábiletin joǵaltqan oqıwshılarǵa inglis tilin úyretiw boyınsha innovaciyalıq metodika jarattı. Germaniya hám AQShtaǵı joqarı oqıw orınlarınıń professor-oqıtıwshıları bul metodikadan paydalanıp atırǵanı bizdi quwandıradı.

Eń úlken niyetim, maqsetim – bilimlendiriw hám jáne bir márte bilimlendiriwge itibar qaratıp, bunday talantlı hám pidayı jas oqıtıwshılarımızdıń qatarın keńeytiw. Onıń ushın hár qanday sharayatlardı jaratıp beriwge tayarman, – dedi Prezident.