Keleshek – zamanagóy bilimler menen qurallanǵan jańa kásip iyeleriniki boladı – Prezident

Prezident Shavkat Mirziyoev Muǵallimler hám ustazlar kúni aldınan taraw xızmetkerleri menen sóylesiw ótkermekte.

– Biz jaslarımızdı tek ǵana zaman menen únles emes, al keleshekke tayar etip tárbiyalawımız kerek. Hesh qashan umıtpayıq, keleshek – zamanagóy bilimler menen qurallanǵan jańa kásip iyeleriniki boladı,-dedi mámleketimiz basshısı.

Ekonomikamızǵa jılına 30-35 milliard dollar investiciya, jańa baǵdarlar, zamanagóy texnologiyalar kirip kelmekte, mıńlaǵan kárxanalar iske qosılmaqta. Sonıń ózinen jılına 250-300 mıń átirapında joqarı dáramatlı jumıs orınları payda bolmaqta.

Bul orınlar, bárinen burın, jaslarımızdıń jumıslı bolıwı ushın qosımsha imkaniyat. Biraq olar zamanagóy texnologiya hám shet tillerin biliwi, kásiplik kónlikpe hám mamanlıqqa iye bolıwı zárúr ekenligi atap ótildi.

2026-jıl jaslardı zamanagóy kásip-ónerge úyretiw jılı bolatuǵını atap ótildi.

Usı maqsette Kásiplik bilimlendiriw agentligi shólkemlestirilmekte. Bul agentlik hám hákimlerdiń tiykarǵı wazıypası barlıq 598 texnikumǵa jańa ortalıq alıp kiriw hám xalıqaralıq standartlardı engiziwden ibarat boladı.