Muǵallim hám ustazlarǵa qutlıqlaw
Húrmetli muǵallimler hám ustazlar!
Eń dáslep, siz ázizlerdi, tálim-tárbiya tarawınıń barlıq jankúyer xızmetkerlerin ulıwmaxalıqlıq bayram – Muǵallimler hám ustazlar kúni menen shın júrekten qutlıqlaymız.
Ullı áyyyamda siz miynetkesh ustazlarǵa kewlimizde, júregimizde bolǵan joqarı húrmet-izzet hám jaqsı tileklerdi tilep qalamız.
Sizler dúnyadaǵı eń biybaha baylıq hám máńgi miyrastı jaratıw, onı xalqımızǵa, ónip-ósip kiyatırǵan jas áwladımızǵa minsiz jetkeriw jolında haqıyqıy pidayılıq kórsetip miynet etip atırǵan ullı insanlarsız.
Áziz watanlaslar!
Sońǵı jılları elimizde húrmetli Prezidentimiz basshılıǵında ilim hám tálim-tárbiya tarawın mámleketlik siyasattıń tiykarǵı baǵdarına aylandırıwǵa qaratılǵan, shańaraqta perzent tuwılǵanınan baslap kamalǵa kelgenine shekem onı hár tárepleme qollap-quwatlaytuǵın, ómirde múnásip orın tabıwına xızmet etetuǵın tutas hám úzliksiz sistema jaratılmaqta.
Mámleketimizde jańa túrdegi hám jańa sapa basqıshındaǵı bilimlendiriw dárgayları, atap aytqanda, Prezident mektepleri, dóretiwshilik mektepleri, qánigelesken mektepler jumıs alıp barmaqta.
Bunnan tısqarı, joqarı bilimlendiriw tarawında da isenimli reformalar ámelge asırılmaqta.
Húrmetli muǵallimler hám ustazlar!
Elimizde muǵállim hám ustazlardıń qádiri, abırayı hám mártebesin joqarılatıw, mashaqatlı hám maqtanıshlı miynetin materiallıq hám ruwxıy xoshametlew boyınsha ámeliy jumıslar dawam ettirilmekte.
Siz, ázizlerdi qutlı bayramıńız benen jáne bir márte qutlıqlap, bársheńizge salamatlıq, baxıt-ıǵbal, iygilikli jumısıńızda úlken tabıslar, shańaraqlarıńızǵa qut-bereket tilep qalamız.
Amanbay Orınbaev
Qaraqalpaqstan Respublikası Joqarǵı Keńesiniń Baslıǵı