21-oktyabr – Ózbek tiline Mámleketlik til biyligi berilgen kún

Qádirli doslar!

Eń dáslep, bársheńizdi Qaraqalpaqstan Respublikası Joqarǵı Keńesi hám Ministrler Keńesi atınan búgingi 21-oktyabr – Ózbek tiline Mámleketlik til biyligi berilgen kún múnásibeti menen qızǵın qutlıqlaymız.

Bársheńizge málim, insan ushın kindik qanı tamǵan Watanı, dúnyaǵa keltirip, kamalǵa keltirgen ata-anası qanshelli áziz hám húrmetli bolsa, onıń ózligin hám ruwxıy dúnyasın belgileytuǵın ana tili de sonshelli qádirli esaplanadı.

21-oktyabr - Ózbek tili bayramı kúni etip belgileniwi umıtılmas, tariyxıy waqıyaǵa aylandı. Mámleketlik tildiń abırayı hám statusın arttırıwǵa qaratılǵan párman, qararlar hám bir qatar hújjetler qabıl etildi.

Kóp milletli xalqımızdı elimiz keleshegi hám gúllep-jasnawı ushın degen iygilikli maqset jolında birlestiriw, watanlaslarımızdıń qálbine birden-bir Watan, ulıwma abadan keleshek sezimin sińdiriwde til birlestiriwshi áhmietke iye.

Qádirli Watanlaslar!

Sizlerdi jáne bir márte 21-oktyabr – Ózbek tiline Mámleketlik til biyligi berilgen kún múnásibeti menen qızǵın qutlıqlap, bársheńizge bekkem densawlıq, shańaraqlarıńızǵa amanlıq, elimizdiń bunnan bılay da rawajlanıwı jolındaǵı iygilikli islerińizde tasqın tabıslar tileymiz.

Amanbay Orınbaev 
Qaraqalpaqstan Respublikası Joqarǵı Keńesiniń Baslıǵı