25-oktyabr – Ózbekstan Respublikası Ishki isler uyımları xızmetkerleri kúni
Húrmetli Ishki isler uyımları xızmetkerleri!
Tınıshlıq saqshıları bolǵan Ishki isler uyımları xızmetkerlerin búgingi kásiplik bayramı, "25-oktyabr – Ózbekstan Respublikası Ishki isler uyımları xızmetkerleri kúni" menen qızǵın qutlıqlaymız.
Taraw xızmetkerleriniń jámiyetlik tártipti hám tınıshlıqtı saqlaw, puqaralardıń huqıq hám erkinliklerin qorǵaw baǵdarında óz tınıshlıǵınan, kerek bolsa janınan keship ámelge asırıp atırǵan pidayı xızmetlerin xalqımız jaqsı ańlaydı hám qádirleydi.
Sizlerge, Watanımız hám xalqımızǵa bolǵan sadıqlıǵıńız ushın tereń minnetdarshılıq bildiremiz.
Jáne bir márte bársheńizdi búgingi bayram menen qutlıqlap, bekkem densawlıq, shańaraǵıńızǵa tatıwlıq, maqtanıshlı kásibińizde bárháma tabıslar tileymiz.
Amanbay Orınbaev
Qaraqalpaqstan Respublikası Joqarǵı Keńesiniń Baslıǵı