Qaraqalpaqstan paxta tapsırıw rejesin orınladı

Qaraqalpaqstan Respublikası paxtakeshleri 2025-jıl zúrááti ushın mámleketke paxta tapsırıw boyınsha belgilengen rejeni tolıq orınlap, joqarı nátiyjege eristi.

2025-jılǵı paxta tapsırıw máwsiminde respublika boyınsha 315 mıń 200 tonna paxta tapsırıw rejelestirilgen edi. Jankúyerlik penen miynet etken paxtakeshler bul kórsetkishti 315 mıń 345 tonna etip tapsırıw arqalı 100 procent dárejede orınladı.

Bul jetiskenlik Qaraqalpaqstan Respublikası fermerleri, diyqanları, klaster kárxanaları jámáátleri, suwshılar, mexanizatorlar hám barlıq awıl hám suw xojalıǵı tarawı xızmetkerleriniń miynetleriniń nátiyjesi bolıp esaplanadı.

Hár qanday hawa rayında da kúni-túni miynet etip, paxta atızlarında jankúyerlik kórsetken barlıq paxtakeshler hám taraw xızmetkerleri ózleriniń mashaqatlı miynetleri menen bul úlken nátiyjege úlesin qostı.

Álbette, úyilgen qırman elimizdiń ekonomikasın bekkemlewge, sanaattı bunnan bılay da rawajlandırıwǵa hám  jańa quwatlıqlardı jaratıwǵa xızmet etedi.