Medicina xızmetkerleri kúni bayramı keń túrde belgilendi

Berdaq atındaǵı Qaraqalpaq mámleketlik akademiyalıq muzıkalı teatrında «Medicina xızmetkerleri kúni» múnásibeti menen bayram saltanatı bolıp ótti.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, taraw pidayıların búgingi bayram múnásibeti menen qızǵın qutlıqladı.

Atap ótilgenindey, sońǵı jılları Prezidentimiz tárepinen tarawǵa baylanıslı bir qatar párman hám qararlar qabıl etildi. Zamanagóy medicinalıq mákemeler qurıldı, tarawdıń materiallıq-texnikalıq bazası bekkemlenip, eń shetki aymaqlardaǵı medicina mákemelerin tájiriybeli kadrlar menen támiyinlewge ayrıqsha itibar qaratılmaqta.

Ásirese, bul baǵdarda taraw xızmetkerleri ushın Qaraqalpaqstanda kóplegen imkaniyatlar jaratılıp, xalqımız salamatlıǵın bekkemlew, medicinalıq xızmet kórsetiw sapa jaǵınan jańa basqıshqa alıp shıǵılmaqta.  

Ótkerilgen bayram saltanatında tarawda pidayılıq penen jemisli miynet etip atırǵan medicina tarawı xızmetkerleri Qaraqalpaqstan Respublikası Joqarǵı Keńesi Prezidiumı qararı menen sıylıqlandı. 

Bayram saltanatı kórkem-óner hám mádeniyat xızmetkerleri tárepinen tayarlanǵan koncert baǵdarlaması menen dawam etti.