Medicina xızmetkerleri kúni múnásibeti menen taraw xızmetkerlerinen bir toparın sıylıqlaw haqqında

Ózbekstan Respublikası Prezidentiniń Pármanı

Elimizde densawlıqtı saqlaw sistemasın hám farmacevtikanı rawajlandırıw, medicinalıq xızmetlerdiń sapasın arttırıw, tarawdı túp-tiykarınan reformalawǵa qaratılǵan baǵdarlamalardıń orınlanıwın tabıslı támiyinlew baǵdarındaǵı kóp jıllıq nátiyjeli miyneti, óziniń bilim hám potencialı, professionallıq sheberligi menen diagnostika hám emlew ámeliyatında zamanagóy, joqarı texnologiyalıq usıllardı keńnen qollanıw, xalıqtıń salamatlıǵın isenimli qorǵaw, jámiette salamat turmıs tárizin bekkemlewge múnásip úles qosıp kiyatırǵanı, joqarı maman kadrlardı tayarlaw jolındaǵı úlken xızmetleri jáne jámietlik turmısta belsene qatnasqanı ushın tómendegiler sıylıqlansın:

I dárejeli «Soǵlom avlod uchun» ordeni menen:

Kabulov Mels - Qaraqalpaqstan medicina institutı xirurgiyalıq kesellikler hám transplantologiya kafedrası professorı

II dárejeli «Salomatlik» ordeni menen:

Esenbaev Puxarbay Qazaqbaevich - Respublikalıq qıstawlı medicinalıq járdem orayınıń Qanlıkól rayonı bólimi avtokárxanası baslıǵı

Madreymova Gulparshin Imamaddinovna - Taxtakópir rayonındaǵı "A.Adilov" shańaraqlıq shıpakerlik punkti patronaj miyirbiykesi

«Dwstlik» ordeni menen:

Jaybergenova Gulnara Muratbaevna - Qaraózek rayonı medicina birlespesiniń tuwıw bóliminiń neonatologi

«Soǵlom turmush» medalı menen:

Marimova Erkinoy Qoziyevna - Beruniy rayonı medicina birlespesiniń náresteler bólimi baslıǵı