Mámleketlik sıylıqlar tapsırıldı

Búgin húrmetli Prezidentimiz Shavkat Mirziyoev Tashkent mámleketlik medicina universitetine barıp, mámleketimizdiń medicina hám farmacevtika xızmetkerleri menen ushırasıw ótkerdi.

Ótkerilgen ushırasıwda Nókis qalasınan Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ministrler Keńesiniń Baslıǵı F.Ermanov, bir topar taraw wákilleri videobaylanıs arqalı qatnastı.

Ushırasıw aldınan dáslep, húrmetli Prezidentimizdiń «Medicina xızmetkerleri kúni múnásibeti menen taraw xızmetkerleriniń bir toparın sıylıqlaw haqqında»ǵı pármanı menen sıylıqlanǵan hám ushırasıwǵa Qaraqalpaqstannan qatnasıp atırǵan bir qatar taraw wákillerine Joqarǵı Keńes Baslıǵı mámleketlik sıylıqlardı tapsırdı.

Bunnan soń mámleketimiz basshısı menen ushırasıw ótkerilip, onda sistemadaǵı reformalar nátiyjeliligi hám kelesi jılda ámelge asırılatuǵın baslı wazıypalar talqılandı.