Nókis qalasınıń eń shetki aymaqlarınıń biri bolǵan Bestóbe máhállesi puqaraları menen ushırasıw ótkerildi

Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis qalasınıń shetki aymaqlarınıń biri bolǵan Bestóbe máhállesi puqaraları menen ushırasıp, olardıń turmısında ushırasıp atırǵan mashqalaların tıńladı. 

Ótkerilgen ushırasıwda puqaralar tárepinen aymaqta medicinalıq xızmet kórsetiwdi jaqsılaw, jol infrastrukturasın ońlaw, sociallıq járdemler kórsetiw, máhálle xalqın aǵın suw menen támiyinlew sıyaqlı áhmiyetli máseleler kóterildi. 

Bildirilgen múrájatlardıń basım kópshiligine sol orınnıń ózinde sheshimin tabıw ilajları kórilip, máselelerdi tez pursatta orınlaw boyınsha juwapkerlerge anıq tapsırmalar berildi. Waqıt talap etiletuǵınları Joqarǵı Keńes Baslıǵınıń jeke qadaǵalawına alındı hám tez arada unamlı tárepke sheshiletuǵınlıǵı atap ótildi. 

Insan qádiri joqarı bolǵan elimizde hár bir mashqala saplastırılıwı hám puqaralardı qıynap kiyatırǵan máseleler óz sheshimin tabıwı kerek. Usı maqsette ámelge asırılıp atırǵan iygilikli baslamalar hám ámeliy jumıslar dawam ettirilmekte.