50 mıń AQSh dolları muǵdarındaǵı grant qarjıları esabınan ósimliklerdi adaptaciyalaw maqsetinde ıssıxana shólkemlestirildi
Birlesken Arab Ámirlikleriniń shorlanǵan jerlerde biodiyqanshılıqtı rawajlandırıw orayı (ICBA) tárepinen Aralboyı xalıqaralıq innovaciyalıq orayında in vitro usılında jetistiriletuǵın ósimliklerdi akklimatizaciyasın islep shıǵıw ushın zárúr bolǵan arnawlı laboratoriyalıq úskeneler alıp kelingen edi.
Usı tiykarda Nókis rayonında 50 mıń AQSh dolları muǵdarındaǵı grant qarjıları esabınan in vitro sharayatındaǵı kóbeytilgen ósimliklerdi adaptaciyalaw maqsetinde ıssıxana shólkemlestirildi.
Joybardıń ámelge asırılıwı jergilikli awıl xojalıǵınıń imkaniyatların bekkemleydi, atap aytqanda, eginlerdi kóbeytiw nátiyjeliligi artadı, egis materialın beyimlestiriw processleri tezlesedi hám agrar tarawǵa zamanagóy biotexnologiyalıq usıllardı engiziw ushın sharayatlar keńeytiledi.
