Qaraózek hám Nókis rayonlarında tórt jas zamanagóy turaq jay menen támiyinlendi

Húrmetli Prezidentimizdiń “Jetim balalar hám ata-ana qaramaǵınan ayırılǵan balalardı mámleket tárepinen qollap-quwatlawdıń jańa sistemasın engiziw ilajları haqqında”ǵı 5216-sanlı Qararınıń orınlanıwı sheńberinde Qaraqalpaqstan Respublikasında jaslardı qollap-quwatlaw baǵdarında bir qatar iygilikli jumıslar ámelge asırıldı.

Atap aytqanda, juwmaqlanıp atırǵan 2025-jıl dawamında Qaraqalpaqstan boyınsha jámi 86 jas zamanagóy, barlıq qolaylıqlarǵa iye turaq jaylar menen támiyinlendi. Bul bolsa jaslardıń sociallıq qorǵalıwın kúsheytiw, olardıń erkin turmısqa qádem qoyıwı hám keleshek rejelerin ámelge asırıwında bekkem tiykar bolıp xızmet etpekte.

Qaraózek hám Nókis rayonlarında da usı qarardıń orınlanıwı sheńberinde búgin 4 jasqa rayon oraylarında boy tiklegen turaq jaylardan zamanagóy 2 xanalı jaylardıń giltleri saltanatlı túrde tapsırıldı. Bunday isler Prezidentimiz tárepinen jaslarǵa bolǵan turaqlı itibar hám ǵamxorlıqtıń ayqın kórinisi bolıp esaplanadı.

Jaslar ushın jáne de keń imkaniyatlar jaratıw, olardıń turmıs sharayatın jaqsılaw hám sociallıq turaqlılıqtı támiyinlewge qaratılǵan bunday ilajlar ele de dawam ettiriledi.