Xalıqaralıq avtomobil jolında jol ótkizgishiniń qurılıs jumısları dawam etpekte

Húrmetli Prezidentimizdiń tapsırması menen Qaraózek hám Beruniy rayonları aymaǵınan ótiwshi A-380 «Ǵuzar-Buxara-Nókis-Beynew» avtomobil jolınıń 673-698 km (25 km) bólegin Aziya rawajlanıw bankiniń qatnasıwında cement-beton qaplaması menen rekonstrukciyalaw belgilengen edi. 

Joybar boyınsha 37,32 million dollarlıq shártnamalarǵa qol qoyılǵan bolıp, qurılıs jumıslarınıń sapalı alıp barılıwında xalıqaralıq konsalting kompaniyaları tartılǵan. Joybar sheńberinde avtomobil jolınıń 690-km bóleginde eki tárepleme háreketti támiyinleytuǵın jol ótkeliniń qurılısı alıp barılmaqta.

Búgingi kúnde qurılıs jumıslarınıń dáslepki basqıshı sıpatında hár biriniń uzınlıǵı 48 metrdi, eni bolsa 9 metrdi quraytuǵın jol ótkizgishiniń bir jónelisi boyınsha jumıslar ámelge asırılmaqta.