Bajıxana xızmetkerlerine

Húrmetli bajıxana xızmetkerleri!

Sizlerdi 26-yanvar – «Mámleketlik bajıxana xızmeti uyımları xızmetkerleri kúni» múnásibeti menen qızǵın qutlıqlaymız!

Bajıxana xızmeti mámlekettiń ishki hám sırtqı siyasatınıń ajıralmas bólegi, mámlekettiń ekonomikalıq qáwipsizligin bekkemlew, milliy máplerin qorǵawdıń áhmiyetli hám nátiyjeli mexanizmi esaplanadı.

Búgingi kúnde jedel rawajlanıp atırǵan sırtqı sawda-ekonomikalıq baylanıslar sharayatında bajıxana uyımlarınıń ornı hám áhmiyeti artıp barmaqta.

Sizlerdiń mashaqatlı, sonıń menen birge, maqtanıshlı jumıslarıńızdı xalqımız qádirleydi.

Húrmetli taraw xızmetkerleri!

Sizlerdi búgingi bayram múnásibeti menen jáne bir márte qutlıqlap, Watanımız rawajlanıwı, elimiz tınıshlıǵı hám xalqımız abadanlıǵı jolında alıp barıp atırǵan maqtanıshlı hám mashaqatlı jumıslarıńızda tabıslar tileymiz! 

Amanbay Orınbaev 
Qaraqalpaqstan Respublikası Joqarǵı Keńesiniń Baslıǵı