Shımbay rayonın sociallıq-ekonomikalıq jaqtan rawajlandırıw máseleleri keń túrde talqılandı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev respublikalıq hám rayonlıq mákeme-shólkemler juwapkerleri qatnasıwında Shımbay rayonın rawajlandırıw máselelerine arnalǵan májilis ótkerdi. 

Onda rayondı sociallıq-ekonomikalıq jaqtan rawajlandırıw, kámbaǵallıqtı qısqartıw, xalıqtıń bántligin, múnásip turmıs sharayatın támiyinlew, jańa jumıs orınların jaratıw, abadanlastırıw jumısların alıp barıw sıyaqlı belgilengen wazıypalardıń orınlanıwı máseleleri kórip shıǵıldı. 

Atap ótiw orınlı, rayondı hár tárepleme rawajlandırıw boyınsha arnawlı baǵdarlama tiykarında bir qatar wazıypalar belgilep berilgen. Bunıń ushın qarjılıq derekleri hám imkaniyatlar da jaratılǵan. 

Biraq, ayırım orınlarda mákeme-shólkem basshıları hám juwapkerler, sonday-aq, máhálle belsendileri tárepinen kemshiliklerge jol qoyılmaqta. 

Májilis dawamında óz wazıypasın atqarıwda qáte-kemshiliklerge jol qoyǵan juwapkerlerge intizamiy jaza sharası qollanılıp, zárúr bolsa lawazımına ılayıqlıǵı máselesin kórip shıǵıw boyınsha tapsırmalar berildi.