Professor-oqıtıwshılar hám ilimpazlar menen ushırasıw bolıp ótti

Búgin kóp milletli xalqımızdıń doslıq simvolına aylanǵan Qara úyde Qaraqalpaqstan Respublikası Joqarǵı Kenesiniń Baslıǵı Amanbay Orınbaev ilimpazlar, joqarı oqıw orınları professor-oqıtıwshıları menen ushırasıw ótkerdi.

Ótkerilgen ushırasıwda búgingi kúnde húrmetli Prezidentimizdiń ayrıqsha itibarı menen elimizde ámelge asırılıp atırǵan keń kólemli reformalar, Qaraqalpaqstan ushın óz aldına qabıl etilgen qarar hám pármanlar menen jaratılǵan sharayatlar hám usı tiykarda alıp barılıp atırǵan ámeliy ilajlar haqqında keń túrde sóz etildi.

Haqıyqatında da, jaqın qısqa dáwir ishinde elimizde burın bolmaǵan jańalanıwlar júz berip, kóplegen jetiskenliklerge erisilmekte. Bul baǵdarda jańadan-jańa kárxanalar jumıs baslap, keń kólemli qurılıs-ońlaw jumısları, barlıq orınlarda xalıqtı jıllar dawamında qıynap kelgen mashqalalarǵa sheshim tabıw ilajları dawam ettirilmekte. Bunday ilajlar nátiyjesinde shın mánisinde, Jańa Ózbekstan tiykarında Jańa Qaraqalpaqstan qurılıp atır desek aljaspaǵan bolamız. 

Ótkerilgen ushırasıwda mine usınday iygilikli jumıslar, xalqımızdıń abadan turmısın támiyinlew jolındaǵı mámleketimiz basshısınıń baslamaları anıq videofaktleri menen kórsetip ótildi.

Óz náwbetinde, ziyalılar da bunday ilajlarda xalqımızdıń hár bir wákili ana Watanımızdıń gúllep jasnawı jolında birgelikte, awızbirshilikli túrde xızmet etiwi kerek ekenligin ayrıqsha atap ótti.

Ótkerilgen ushırasıw dawamında elimiz rawajlanıwı jolında múnásip úles qosıp atırǵan bir topar ilim pidayıları Joqarǵı Keńestiń Prezidium qararı menen xoshametlendi.