Qaraózek rayonında jaslardıń mashqalaları úyrenildi

Jaqında Kóksaray rezidenciyasında húrmetli Prezidentimizdiń jaslar menen olardıń baslamaların qollap-quwatlawǵa baǵıshlanǵan ushırasıwında júdá áhmiyetli baslamalar kóterilgen edi.

Ushırasıwda basshılar aldına jaslardı kásip-ónerge úyretiw, startap hám baslamaların qollap-quwatlaw, olardı jumıslı hám dáramatlı etiw boyınsha anıq wazıypalar qoyıldı.

Búgin belgilengen wazıypalar sheńberinde Qaraózek rayonındaǵı máhálle jasları menen ushırasıw ótkerildi.  

Onda Qaraqalpaqstan Respublikası Joqarǵı Keńesi Baslıǵınıń orınbasarı R. Nurazizov búgingi kúnde húrmetli Prezidentimizdiń jaslarǵa bolǵan atalarsha ǵamxorlıǵı, sonıń ishinde, Qaraqalpaqstanlı jaslarǵa ayrıqsha mehiri hám itibarı haqqında keń túrde atap ótti.

Ushırasıwda sonday-aq, jaslardıń bántligin támiyinlew, isbilermenlikke tartıw, kásip-óner hám shet tillerin úyreniwi ushın jaratılıp atırǵan imkaniyatlar haqqında maǵlıwmat berildi. Bunnan soń jaslardıń pikir-usınısları tıńlanıp, olardı qıynap kiyatırǵan máseleler boyınsha juwapkerlerge anıq tapsırmalar berildi.

Hár bir jigit-qızdı qollap-quwatlaw, olardıń ideya hám joybarların ámelge asırıw, jınayatshılıq hám huqıqbuzarlıqlardıń aldın alıw baǵdarında birge islesiwdi kúsheytiw kerekligi atap ótildi.

Bunnan soń, jaslar tárepinen bildirilgen mashqalalar ornında úyrenilip, unamlı sheshimin tabıw boyınsha juwapkerlerge tapsırmalar berildi.