Ádiwli analar, qádirli hayal-qızlar!

Ádiwli analar, qádirli hayal-qızlar!

Sizlerdi, sizler arqalı pútkil hayal-qızlardı báhár paslınıń tuńǵısh bayramı, ózinde gózzal sezimlerdi, jaqsı niyet hám iygilikli maqsetlerdi jámlegen ájayıp áyyam – 8-mart – xalıqaralıq Hayal-qızlar bayramı menen qızǵın qutlıqlayman.

Sizler biz ushın eń dáslep qádirli ana, áziz Watan, shańaraq tımsalı, shegi joq mehir hám jaqsılıq deregisiz.

Bársheńizge málim, xalqımız ázelden gózzallıq tımsalı bolǵan ádiwli analar menen dilbar qızlarǵa ayrıqsha húrmet kórsetip, olardı bárháma qásterlep kelgen. 

Bul joqarı qádiriyat búgingi kúnde de ulıǵlanıp, húrmetli Prezidentimizdiń basshılıǵında elimizde hayal-qızlarǵa ǵamxorlıq kórsetiw, olardı hár tárepleme qollap-quwatlaw, jámiyetlik - siyasiy turmısta belsendiligin arttırıw – mámleketlik siyasattıń baslı baǵdarlarınan birine aylanıp úlgergen.

Húrmetli hayal-qızlar!

Sizlerdi búgingi báhár bayramı, jasarıw hám jańalanıw áyyamı menen jáne bir márte qızǵın qutlıqlayman!

Sizlerge bekkem densawlıq, shańaraqlarıńızǵa amanlıq, qut-bereket, jumıslarıńızda tasqın tabıslar tileymen. 

Ana-Watanımız, xalqımız, el-jurtımız, bárshemizdiń baxtımızǵa hámiyshe aman bolǵaysızlar.

Amanbay Orınbaev
Qaraqalpaqstan Respublikası Joqarǵı Keńesiniń Baslıǵı