Qaraqalpaqstanda birinshi márte bawır kóshirip ótkeriw operaciyası tabıslı juwmaqlandı
40
Nókis qalasındaǵı U.Xalmuratov atındaǵı kóp tarmaqlı medicina orayında jergilikli hám Tashkent qalasınan kelgen shıpakerler tárepinen Qaraqalpaqstanda birinshi márte bawır transplantaciyası ámelge asırıldı.
12 jaslı Ayzada Berdibaeva bir neshe jıldan berli bawır fibrozı keselligi menen emlenip kiyatırǵan edi.
Nawqastıń ákesi Esbanov Quwatbay óz qızına bawırınan bir bólegin beretuǵın boldı hám bawır kóshirip ótkeriw operaciyası tájiriybeli shıpakerler tárepinen ámelge asırıldı.
Házirgi waqıtta Ayzada hám onıń ákesi Quwatbaydıń jaǵdayları jaqsı, shıpakerlerdiń baqlawında ekewiniń de salamatlıǵı tiklenbekte.
Bul operaciyanıń barlıq ǵarejetleri, “Mámleketlik medicinalıq qamsızlandırıw fondı” tárepinen qaplap berildi.
