«Isbilermenler aymaǵı» máhállesinde keń kólemli abadanlastırıw jumısları dawam etpekte

Jaqında Nókis qalasındaǵı «Isbilermenler aymaǵı» máhállesinde keń kólemli abadanlastırıw jumısları baslap jiberilgen edi. 

Búgin máhálle aymaǵındaǵı arnawlı shtabda Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında qurılıs-ońlaw hám abadanlastırıw jumıslarınıń orınlanıwı máseleleri kórip shıǵıldı.

Onda Ministrler Keńesiniń Baslıǵı F.Ermanov, ministrlik, mákeme, shólkem basshıları, juwapkerler qatnastı.

Atap ótiw orınlı, bul jumıslar baslanıwı aldınan awır sharayattaǵı shańaraqlarǵa járdem beriw, avariyalıq jaǵdaydaǵı úylerdi ońlap, zárúrlerin jańadan qurıw, sonday-aq, ishki jollardı ońlaw, gaz, suw, elektr tarmaqların jańalaw, máhálle aymaǵın abat etiw boyınsha juwapkerlerge tapsırmalar berilgen edi.

Usı tiykarda búgingi kúnde ámeliy ilajlar baslap jiberilip, qurılıs jumısları dawam ettirilmekte.