Qaraózek rayonında xalıqtıń turmıs sharayatın jaqsılaw boyınsha ámelge asırılıp atırǵan jumıslar úyrenildi

Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonında xalıqtıń turmıs sharayatın jaqsılaw, puqaralardıń bántligin támiyinlew hám isbilermenlikti rawajlandırıw baǵdarında ámelge asırılıp atırǵan jumıslar menen tanıstı.

Dáslep «Berdaq» máhállesindegi «Qaraózekli Batırbay» fermer xojalıǵında jamǵırlatıp suwǵarıw úskenelerin ornatıw jumısları kózden ótkerildi. Sonday-aq, «Qaraózek» máhállesindegi «Qalim Bekbolat» fermer xojalıǵınıń hámde «Mádeniyat» APJda jasawshı Genjemurat Turdımuratovtıń ıssıxanası da kózden ótkerildi. Jerden nátiyjeli paydalanıw hám egin ónimdarlıǵın arttırıw imkaniyatları, qosımsha dáramat hám óndiris kólemin arttırıw máseleleri ayrıqsha itibarǵa alındı.

Bunnan soń, «Ata mákan» máhállesindegi Toǵay xojalıǵında grant qarjıları tiykarında ámelge asırılıp atırǵan joybarlar, Abadanlastırıw basqarması tárepinen pullı xızmetler kórsetiwdi shólkemlestiriw boyınsha jumıslar barısı kórip shıǵıldı. 

Sonday-aq, Joqarǵı Keńes Baslıǵı 2026-jılı rayonda ámelge asırılıwı rejelestirilgen investiciyalıq joybarlardıń prezentaciyaları, «SIFAT INVEST KOMPANIYASI» JShJ kárxanası tárepinen qamıs hám paxta paqalınan DSP islep shıǵarıw joybarları menen tanıstı. Jańa joybarlardıń óz waqtında orınlanıwın támiynlew boyınsha juwapkerlerge anıq tapsırmalar berildi.

Jánede «Qaraózek» PPJ máhállesindegi 2-sanlı texnikumda grant qarjıları tiykarında ámelge asırılǵan jumıslar kórip shıǵıldı. Sırtqı biyǵárez kómekler hám grant qarjıların tartıw arqalı bunday joybarlardı kóbeytiw kerek ekenligi atap ótildi. 

BPO orayı jumısı da kórip shıǵıldı, oray imkaniyatlarınan nátiyjeli paydalanıw boyınsha kórsetpeler berildi.