Múbárek Ramazan hayıtı múnásibeti menen qutlıqlaw

Áziz watanlaslar!

Insaniylıq, sabır hám qanaat, shúkirshilik tımsalı bolǵan múbárek Ramazan hayıtın úlken quwanısh penen kútip alıp atırǵan siz ázizlerdi qutlı áyyam menen shın júrekten qutlıqlaymız.

Bársheniń kewli quwanısh hám jaqsılıq nurına tolıp turǵan usı quwanıshlı demlerde Ramazan hayıtına miynetkesh hám keńpeyil xalqımız benen birge amanlıqta jetkergeni ushın jaratqan iyemizge sheksiz shúkirshilik bildiremiz.

Búgingidey tınısh turmısımızdıń qádirine jetiw, jámiyetimizde húkim súrip atırǵan túrli millet hám diniy konfessiyalar arasındaǵı keńpeyillikti, bir-birewge bolǵan óz-ara húrmet ortalıǵın jáne de bekkemlew hámmemizdiń tiykarǵı wazıypamız.

Qádirli Watanlaslar!

Siz ázizlerdi Ramazan hayıtı menen jáne bir márte qutlıqlap, shańaraq, dos hám jaqınlar menen birge payızlı hám mazmunlı ótkeriwińizdi tileymiz. 

Iláyim elimiz tınısh, xalqımız aman bolsın.

Amanbay Orınbaev
Qaraqalpaqstan Respublikası Joqarǵı Keńesiniń Baslıǵı