Qádirli Watanlaslar, Húrmetli máhálle sisteması xızmetkerleri!

Eń dáslep, sizlerdi, sizlerdiń tımsalıńızda pútkil xalqımızdı Máhálle sisteması xızmetkerleri kúni menen qızǵın qutlıqlaymız.

Máhálle - ásirler asa milliy úrp-ádet hám dástúrlerimizdi qásterlep saqlap, xalqımız ushın jaqsılıq hám tárbiya besigi, jaqın qońsıshılıq hám awızbirshiliktiń máskanı bolıp kelmekte.

Biz máhálle degende, dúnyada kemnen-kem ushıraytuǵın, insandı jámiyet penen birge jasawǵa úyretip, keńpeyillik ruwxında tárbiyalaytuǵın, xalıq penen mámleket arasındaǵı isenimli kópir wazıypasın orınlaytuǵın tarawdı túsinemiz. Bunda máhállelerde awızbirshilik hám milliy qádriyatlarımızdı en jaydırıwda áhmiyetli bolǵan kóshe biyleri institutı xalıq penen tıǵız birge islesiwde “máhálle jetiligi”niń shın mánisindegi kómekshisine aylanǵan.

Házirgi waqıtta elimizde jasap atırǵan hár bir insan, milleti, tili, dinine qaramastan, óz ómiri, quwanısh hám táshwishlerin máhálleden bólek kóz aldına keltire almaydı.

Húrmetli máhálle sisteması xızmetkerleri!

Sizlerdi búgingi bayram menen qutlıqlap, hámmeńizge bekkem densawlıq, shańaraǵıńızǵa tınıshlıq-amanlıq, mashaqatlı hám maqtanıshlı jumıslarıńızda tasqın tabıslar tileymiz!

Amanbay Orınbaev,
Qaraqalpaqstan Respublikası Joqarǵı Keńesiniń Baslıǵı