Tez júrer poezddiń texnikalıq sınawı ótkerilip, dáslepki reys Miskin stanciyasına jetip keldi

Búgingi kúnde xalqımızǵa sapalı transport xızmetin kórsetiwdi jaqsılaw baǵdarında bir qatar ámeliy jumıslar ámelge asırılıp atır.

Usı qatarda Tashkent-Nókis jónelisi boyınsha tez jurer poezdınıń temir jol liniyasın elektrlestiriw jumısları alıp barılıp atırģan edi. 

Mine usınday ilajlar nátiyjesinde Miskin stanciyasına dáslepki tez júrer poezd jetip keldi.

Búgingi kúnde 196 kilometrlik «Miskin – Nókis» tez jurer poezdınıń temir jol liniyasın tolıq elektrlestiriw dawam ettirilmekte. 

Bul temir jol liniyasınıń elektrlestiriliwi nátiyjesinde:

- birinshiden; joqarı tezlikte háreketleniwshi elektro-poezdlardıń qatnawın jolǵa qoyıw ushın imkaniyat jaratıladı;

- ekinshiden; ishki turizm ushın qolaylıqlar jaratılıp, Qaraqalpaqstan – Xorezm arasındaǵı mádeniy baylanıslar jańa basqıshqa kóteriledi;

- Bunnan tısqarı, Tashkent-Nókis ortasındaǵı qatnaw waqtı házirgi 16 saattan 7 saatqa qısqartılıwına erisiledi.