Volontyor jaslar menen ushırasıw ótkerildi

Qaraqalpaqstan Respublikası Joqarǵı Keńesiniń Baslıǵı Amanbay Orınbaev jaslar kúni sheńberinde belsendi volontyor jaslar menen ushırastı.

Onda dáslep, Joqarǵı Keńes Baslıǵı sońǵı jılları elimizde ámelge asırılıp atırǵan keń kólemli dóretiwshilik jumısları, usı qatarda húrmetli Prezidentimizdiń Qaraqalpaqstan ushın óz aldına qabıl etilgen qarar hám pármanları tiykarında jaratılǵan imkaniyatlar haqqında keń túrde atap ótti.

Ashıq pikirlesiw tárizinde ótkerilgen ushırasıwda bir qatar jeńillikler, qosımsha imkaniyatlar aytıp ótildi.

Bunnan tısqarı, jaslar da óziniń jańa baslamaların, usınısların bildirdi. Óz náwbetinde, hár bir kóterilgen másele Joqarǵı Keńes Baslıǵı tárepinen belgilep alınıp, ámelge asırılıwın támiyinlew boyınsha juwapkerlerge anıq tapsırmalar berildi.