"Tez medicinalıq járdemdi shólkemlestiriwdiń áhmiyetli mashqalaları - 2026" atamasında Respublikalıq ilimiy-ámeliy konferenciya ótkerildi

Nókis qalasındaģı "Aq qus" kompleksinde jaylasqan Ginnestiń rekordlar kitabına kirgizilgen Qara úyde "Tez medicinalıq járdemdi shólkemlestiriwdiń áhmiyetli mashqalaları - 2026" atamasında xalıqaralıq maman-qánigeler qatnasıwında Respublikalıq ilimiy-ámeliy konferenciyası bolıp ótti.

Onda Qaraqalpaqstan Respublikası Joqarģı Keńesiniń komitet baslıģı M.Atamuratov qatnastı.

Atap ótiw orınlı, konferensiyada  Tez hám qıstawlı medicinalıq járdem kórsetiw tarawındaǵı 300 den aslam qánigeler, ekspertler hám ilimpazlar qatnastı.

AQSh, Rossiya Federaciyası, Koreya, Túrkiya, Yaponiya, Singapur, Indoneziya, Belarus Respublikası, Tájikstan, Qazaqstan, Qırǵız Respublikası sıyaqlı 10 nan aslam sırt mámleketlerdiń wákilleri hám abıraylı xalıqaralıq shólkemlerdiń ekspertleri bayanatlar menen qatnasıp, óz tájiriybeleri, jetiskenlikleri hám innovaciyalıq sheshimleri menen bólisti.