Bozataw rayonlıq keńesiniń birinshi sessiyası bolıp ótti
3428
14-sentyabr kúni xalıq deputatları Bozataw rayonlıq keńesiniń birinshi sessiyası bolıp ótti.
Sessiya jumısına xalıq deputatları Bozataw rayonlıq keńesiniń deputatları, mákeme, kárxana hám shólkemlerdiń basshıları, sonday-aq, isbilermenler qatnastı.
Sessiyanıń kún tártibinde shólkemlestiriw máselesi kórip shıǵıldı. Sessiyada Qaraqalpaqstan Respublikası Joqarǵı Keńesiniń Baslıǵı M.Erniyazov shıǵıp sóylep, jıynalǵanlardı Bozatawdıń óz aldına rayon sıpatında qayta shólkemlestirilgeni hám rayondı hár tárepleme rawajlandırıw boyınsha keń kólemli iygilikli islerdiń baslanǵanı menen qızǵın qutlıqladı.
Bunnan tısqarı, Húrmetli Prezidentimizdiń 20-21-avgust kúnleri Qaraqalpaqstanǵa saparı dawamında rayondı qayta shólkemlestiriw boyınsha bir qatar áhmiyetli wazıypalardıń belgilep berilgenin, sonday-aq, Qaraqalpaqstandı jáne de rawajlandırıw boyınsha 5 tiykarǵı wazıypaǵa ayrıqsha toqtap ótilgenin, óz gezeginde bul iygilikli isler Bozataw rayonın da shetlep ótpeytuǵınlıǵın ayrıqsha atap ótti.
Maǵlıwmat ushın keltiretuǵın bolsaq, Bozataw rayonı 2004-jılı Kegeyli hám Shımbay rayonlarına biriktirilgen edi. Endi, rayondı qayta shólkemlestiriw arqalı aymaqta jergilikli xalıqtıń sociallıq jasaw sharayatların jaqsılaw, aymaqtıń infrastrukturasın jaqsı jolǵa qoyıw, sharwashılıqtı rawajlandırıw, isbilermenlikti keńnen en jaydırıw imkaniyatları jaratılmaqta.
Mine, ótken qısqa dáwir ishinde Bozataw rayonın qayta shólkemlestiriw boyınsha Ózbekstan Respublikası Oliy Majlisi Senatı hámde Nızamshılıq palatasınıń razılıǵı alındı, sonday-aq, Qaraqalpaqstan Respublikası Joqarǵı Keńesiniń arnawlı qararı qabıl etildi. Bunnan tısqarı, rayonda 4 sektordıń jumısların jolǵa qoyıw, medicina, mektepke shekemgi bilimlendiriw, xalıq bilimlendiriw, mádeniyat, sport, qurılıs, awıl xojalıǵı hám basqa da tarawlardıń rayonlıq bólimlerin dúziw boyınsha jumıslar alıp barıldı.
Búgingi kúnde rayondı kompleksli rawajlandırıw maqsetinde dúzilgen isshi-topar tárepinen rayondı sociallıq-ekonomikalıq rawajlandırıw, xalıqqa tábiyǵıy gaz jetkerip beriw ushın jańadan avtomatlastırılǵan gaz bólistiriw stanciyasın qurıw, «Aspantay» hám «Erkindárya» kanalların rekonstrukciyalaw hámde nasos agregatların ornatıw, rayon orayın abadanlastırıw, injenerlik-kommunikaciya hám sociallıq obektlerdi qurıw sıyaqlı bir qatar áhmiyetli baǵdarlamalar islep shıǵılmaqta.
Respublikamız basshısı mine, usınday keń kólemli jumıslardı nátiyjeli ámelge asırıwda óziniń tereń bilimi, sheber shólkemlestiriwshilik uqıbı menen ajıralıp turatuǵın kadrlar úyrenip shıǵılǵanlıǵın atap ótti hám Bozataw rayonı hákimi lawazımına usı kúnge shekem Qaraqalpaqstan Respublikası Veterinariya hám sharwashılıqtı rawajlandırıw komitetiniń baslıǵı lawazımında islep kelgen Qaypanov Maxmud Teńelovichtiń kandidaturasın usınıs etti. Bul usınıstı qollap-quwatlap 55-sanlı «Bozataw» saylaw okruginen Qaraqalpaqstan Respublikası Joqarǵı Keńesiniń deputatı Sh.Usnatdinov, «Erikbaǵ» saylaw okruginen rayonlıq keńes deputatı A.Ernazarov hám «Qazanketken» saylaw okruginen deputat I.Palıbekova shıǵıp sóyledi.
Sessiyada Qaypanov Maxmud Teńelovich Bozataw rayonı hákimi etip tastıyıqlandı.
Bunnan soń Bozataw rayonı hákimi M.Qaypanov sózge shıǵıp, ózine bildirilip atırǵan joqarı isenimdi aqlawǵa, bar bilim hám tájiriybesin rayondı sociallıq-ekonomikalıq jaqtan rawajlandırıwǵa jumsawǵa tayar ekenligin bildirdi.
Sessiyanıń kún tártibinde shólkemlestiriw máselesi kórip shıǵıldı. Sessiyada Qaraqalpaqstan Respublikası Joqarǵı Keńesiniń Baslıǵı M.Erniyazov shıǵıp sóylep, jıynalǵanlardı Bozatawdıń óz aldına rayon sıpatında qayta shólkemlestirilgeni hám rayondı hár tárepleme rawajlandırıw boyınsha keń kólemli iygilikli islerdiń baslanǵanı menen qızǵın qutlıqladı.
Bunnan tısqarı, Húrmetli Prezidentimizdiń 20-21-avgust kúnleri Qaraqalpaqstanǵa saparı dawamında rayondı qayta shólkemlestiriw boyınsha bir qatar áhmiyetli wazıypalardıń belgilep berilgenin, sonday-aq, Qaraqalpaqstandı jáne de rawajlandırıw boyınsha 5 tiykarǵı wazıypaǵa ayrıqsha toqtap ótilgenin, óz gezeginde bul iygilikli isler Bozataw rayonın da shetlep ótpeytuǵınlıǵın ayrıqsha atap ótti.
Maǵlıwmat ushın keltiretuǵın bolsaq, Bozataw rayonı 2004-jılı Kegeyli hám Shımbay rayonlarına biriktirilgen edi. Endi, rayondı qayta shólkemlestiriw arqalı aymaqta jergilikli xalıqtıń sociallıq jasaw sharayatların jaqsılaw, aymaqtıń infrastrukturasın jaqsı jolǵa qoyıw, sharwashılıqtı rawajlandırıw, isbilermenlikti keńnen en jaydırıw imkaniyatları jaratılmaqta.
Mine, ótken qısqa dáwir ishinde Bozataw rayonın qayta shólkemlestiriw boyınsha Ózbekstan Respublikası Oliy Majlisi Senatı hámde Nızamshılıq palatasınıń razılıǵı alındı, sonday-aq, Qaraqalpaqstan Respublikası Joqarǵı Keńesiniń arnawlı qararı qabıl etildi. Bunnan tısqarı, rayonda 4 sektordıń jumısların jolǵa qoyıw, medicina, mektepke shekemgi bilimlendiriw, xalıq bilimlendiriw, mádeniyat, sport, qurılıs, awıl xojalıǵı hám basqa da tarawlardıń rayonlıq bólimlerin dúziw boyınsha jumıslar alıp barıldı.
Búgingi kúnde rayondı kompleksli rawajlandırıw maqsetinde dúzilgen isshi-topar tárepinen rayondı sociallıq-ekonomikalıq rawajlandırıw, xalıqqa tábiyǵıy gaz jetkerip beriw ushın jańadan avtomatlastırılǵan gaz bólistiriw stanciyasın qurıw, «Aspantay» hám «Erkindárya» kanalların rekonstrukciyalaw hámde nasos agregatların ornatıw, rayon orayın abadanlastırıw, injenerlik-kommunikaciya hám sociallıq obektlerdi qurıw sıyaqlı bir qatar áhmiyetli baǵdarlamalar islep shıǵılmaqta.
Respublikamız basshısı mine, usınday keń kólemli jumıslardı nátiyjeli ámelge asırıwda óziniń tereń bilimi, sheber shólkemlestiriwshilik uqıbı menen ajıralıp turatuǵın kadrlar úyrenip shıǵılǵanlıǵın atap ótti hám Bozataw rayonı hákimi lawazımına usı kúnge shekem Qaraqalpaqstan Respublikası Veterinariya hám sharwashılıqtı rawajlandırıw komitetiniń baslıǵı lawazımında islep kelgen Qaypanov Maxmud Teńelovichtiń kandidaturasın usınıs etti. Bul usınıstı qollap-quwatlap 55-sanlı «Bozataw» saylaw okruginen Qaraqalpaqstan Respublikası Joqarǵı Keńesiniń deputatı Sh.Usnatdinov, «Erikbaǵ» saylaw okruginen rayonlıq keńes deputatı A.Ernazarov hám «Qazanketken» saylaw okruginen deputat I.Palıbekova shıǵıp sóyledi.
Sessiyada Qaypanov Maxmud Teńelovich Bozataw rayonı hákimi etip tastıyıqlandı.
Bunnan soń Bozataw rayonı hákimi M.Qaypanov sózge shıǵıp, ózine bildirilip atırǵan joqarı isenimdi aqlawǵa, bar bilim hám tájiriybesin rayondı sociallıq-ekonomikalıq jaqtan rawajlandırıwǵa jumsawǵa tayar ekenligin bildirdi.