Ishki isler uyımları xızmetkerleriniń kásiplik bayramına baǵıshlandı
2465
Berdaq atındaǵı Qaraqalpaq mámleketlik akademiyalıq muzıkalı teatrında Ishki isler uyımları xızmetkerleriniń kásiplik bayramına baǵıshlanǵan saltanatlı májilis bolıp ótti.
Ózbekstan hám Qaraqalpaqstan Respublikalarınıń mámleketlik gimnleri atqarıldı.
Ilajda Qaraqalpaqstan Respublikası Joqarǵı Keńesiniń komitet baslıǵı S.Turmanov ishki isler uyımlarınıń xızmetkerleri kúni múnásibeti menen Qaraqalpaqstan Respublikası Joqarǵı Keńesi hám Ministrler Keńesiniń bayram qutlıqlawın oqıp esittirdi.
Atap ótilgenindey, elimizde barlıq tarawlar sıyaqlı ishki isler uyımları sistemasında da keń kólemli reformalar ámelge asırılmaqta. Bunnan gózlengen tiykarǵı maqset, tınıshlıq saqshıların xalıqqa ele de jaqınlastırǵan halda elimizdiń tınıshlıǵın támiyinlew, puqaralardıń huqıqları menen erkinliklerin, nızamlı máplerin qorǵap, olardıń ishki isler uyımların bolǵan isenimin bunnan bılay da bekkemlewden ibarat.
Qaraqalpaqstan Respublikası Ishki isler uyımları tárepinen bıyılǵı jıldıń ótken dáwirinde bul baǵdarda bir qatar unamlı jumıslar ámelge asırıldı. Atap aytqanda, Nókis qalası Ishki isler uyımları jumısların muwapıqlastırıw basqarması, onıń 6 ishki isler bólimi, Tórtkúl rayonınıń «Jambasqala» massivinde ishki isler bólimi shólkemlestirildi hám olarda tergew, migraciya hám puqaralıqtı rásmiylestiriw xızmetleri engizildi.
Prezidentimizdiń usı jıldıń 20-21-avgust kúnleri respublikamızǵa saparı waqtında belgilep berilgen wazıypalar tiykarında jańadan Bozataw rayonınıń dúziliwi menen usı rayonda Ishki isler bólimi shólkemlestirildi. Olardıń tolıq kólemde jumıs alıp barıwı ushın barlıq zárúrli sharayatlar jaratıldı hám tájiriybeli qánigeler menen támiyinlendi.
Elimizde puqaralardıń abadan turmısın támiyinlew, jınayatshılıqqa qarsı gúresiwde minsiz xızmet atqarıp kiyatırǵan tınıshlıq saqshılarınıń xızmeti húkimetimiz tárepinen múnásip bahalanıp kelinbekte. Atap aytqanda, Ózbekstan Respublikası ǵárezsizliginiń 28 jıllıǵı bayramı hám kásiplik bayram múnásibeti menen bir xızmetker «Doslıq» ordeni, bir xızmetker «Sadıq xızmetleri ushın» medalı, bir xızmetker «Shuhrat» medalı, Qaraqalpaqstan Respublikası Joqarǵı Keńesi Prezidiumınıń qararı menen bir xızmetker «Qaraqalpaqstan Respublikasına miyneti sińgen jaslar ustazı» húrmetli ataǵı, bir xızmetker «Úmit ushqını» kókirek belgisi sıylıqlandı. Bunnan tısqarı, Ózbekstan Respublikası Ishki isler ministriniń buyrıǵı menen 4 xızmetker «Alo xizmatlari uchun», 14 xızmetker I, II, III-dárejeli «Benuqson xizmatlari uchun» kókirek belgisi, 6 xızmetker Húrmet jarlıǵı, 8 xızmetker estelik qol saatı menen sıylıqlandı.
Ilajda jınayatshılıqqa qarsı gúresiw, huqıqbuzarlıqtıń aldın alıw, jámiyetlik tártipti saqlawda pidayılıq kórsetken xızmetkerlerge sıylıqlar, arnawlı ataqlar taraw veteranlarına, xızmet wazıypasın atqarıw waqtanda qaytıs bolǵan xızmetkerleridiń shańaraq aǵzalarına sawǵaları tapsırıldı.
Qatnasıwshılarǵa kórkem óner sheberleri hám ministrliktiń «Aral juldızları» ansambli aǵzalarınıń atqarıwındaǵı bayram koncerti qoyıp berildi.
Ilajǵa Qaraqalpaqstan Respublikası Joqarǵı Keńesi Baslıǵınıń orınbasarı A.Hamraev qatnastı.
Atap ótilgenindey, elimizde barlıq tarawlar sıyaqlı ishki isler uyımları sistemasında da keń kólemli reformalar ámelge asırılmaqta. Bunnan gózlengen tiykarǵı maqset, tınıshlıq saqshıların xalıqqa ele de jaqınlastırǵan halda elimizdiń tınıshlıǵın támiyinlew, puqaralardıń huqıqları menen erkinliklerin, nızamlı máplerin qorǵap, olardıń ishki isler uyımların bolǵan isenimin bunnan bılay da bekkemlewden ibarat.
Qaraqalpaqstan Respublikası Ishki isler uyımları tárepinen bıyılǵı jıldıń ótken dáwirinde bul baǵdarda bir qatar unamlı jumıslar ámelge asırıldı. Atap aytqanda, Nókis qalası Ishki isler uyımları jumısların muwapıqlastırıw basqarması, onıń 6 ishki isler bólimi, Tórtkúl rayonınıń «Jambasqala» massivinde ishki isler bólimi shólkemlestirildi hám olarda tergew, migraciya hám puqaralıqtı rásmiylestiriw xızmetleri engizildi.
Prezidentimizdiń usı jıldıń 20-21-avgust kúnleri respublikamızǵa saparı waqtında belgilep berilgen wazıypalar tiykarında jańadan Bozataw rayonınıń dúziliwi menen usı rayonda Ishki isler bólimi shólkemlestirildi. Olardıń tolıq kólemde jumıs alıp barıwı ushın barlıq zárúrli sharayatlar jaratıldı hám tájiriybeli qánigeler menen támiyinlendi.
Elimizde puqaralardıń abadan turmısın támiyinlew, jınayatshılıqqa qarsı gúresiwde minsiz xızmet atqarıp kiyatırǵan tınıshlıq saqshılarınıń xızmeti húkimetimiz tárepinen múnásip bahalanıp kelinbekte. Atap aytqanda, Ózbekstan Respublikası ǵárezsizliginiń 28 jıllıǵı bayramı hám kásiplik bayram múnásibeti menen bir xızmetker «Doslıq» ordeni, bir xızmetker «Sadıq xızmetleri ushın» medalı, bir xızmetker «Shuhrat» medalı, Qaraqalpaqstan Respublikası Joqarǵı Keńesi Prezidiumınıń qararı menen bir xızmetker «Qaraqalpaqstan Respublikasına miyneti sińgen jaslar ustazı» húrmetli ataǵı, bir xızmetker «Úmit ushqını» kókirek belgisi sıylıqlandı. Bunnan tısqarı, Ózbekstan Respublikası Ishki isler ministriniń buyrıǵı menen 4 xızmetker «Alo xizmatlari uchun», 14 xızmetker I, II, III-dárejeli «Benuqson xizmatlari uchun» kókirek belgisi, 6 xızmetker Húrmet jarlıǵı, 8 xızmetker estelik qol saatı menen sıylıqlandı.
Ilajda jınayatshılıqqa qarsı gúresiw, huqıqbuzarlıqtıń aldın alıw, jámiyetlik tártipti saqlawda pidayılıq kórsetken xızmetkerlerge sıylıqlar, arnawlı ataqlar taraw veteranlarına, xızmet wazıypasın atqarıw waqtanda qaytıs bolǵan xızmetkerleridiń shańaraq aǵzalarına sawǵaları tapsırıldı.
Qatnasıwshılarǵa kórkem óner sheberleri hám ministrliktiń «Aral juldızları» ansambli aǵzalarınıń atqarıwındaǵı bayram koncerti qoyıp berildi.
Ilajǵa Qaraqalpaqstan Respublikası Joqarǵı Keńesi Baslıǵınıń orınbasarı A.Hamraev qatnastı.