Joqarǵı Keńestegi Qabıllaw
2316
14-noyabr kúni Qaraqalpaqstan Respublikası Joqarǵı Keńesinde respublikamızda ótkerilip atırǵan xalıq aralıq investiciyalıq forum qatnasıwshısı, Qubla Koreyanıń «Caris Co Ltd» kompaniyasınıń atqarıwshı direktorı Yu Cheoldı qabıllaw máresimi boldı.
Qaraqalpaqstan Respublikası Joqarǵı Keńesiniń Baslıǵı M.Erniyazov miymandı respublikamızǵa saparı menen qutlıqlap, Prezidentimizdiń basshılıǵında elimizde kishi biznes hám jeke isbilermenlikti, sırt el investorları menen birge islesiwdi rawajlandırıw, solay etip, ekonomikalıq potencialımızdı bekkemlew boyınsha ámelge asırılıp atırǵan keń kólemli ilajlarǵa toqtap ótti.
Bıyılǵı jıldıń ótken ayları dawamında aymaqlıq Investiciyalıq baǵdarlama tiykarında respublikamızǵa ulıwma bahası 140,3 million AQSh dolları muǵdarındaǵı tikkeley sırt el investiciyaları tartıldı. Bunda Qubla Koreya menen túrli tarawlarda baylanıslarımız jıldan-jılǵa rawajlanıp barmaqta. Respublikamızda eki dawamında ótkerilip atırǵan xalıqaralıq investiciyalıq forum bul baylanıslarımızdı bunnan bılay da bekkemlewge xızmet etedi.
Óz gezeginde miyman jıllı júzlilik penen qabıl etkeni ushın óz minnetdarshılıǵın bildirip, bul jerde sırt elli investorlarǵa jaratılǵan sharayatlarǵa joqarı baha berdi hám Qubla Koreyada jetekshi kompaniyalardıń biri bolǵan «Caris Co Ltd» tárepinen Beruniy rayonında ulıwma bahası 110 million AQSh dolları bolǵan cement zavodın qurıwdı rejelestirip atırǵanın aytıp ótti.
Qabıllawda keleshekte birge islesiwdi bunnan bılay rawajlandırıw boyınsha óz-ara pikir almasıwlar boldı.
Bıyılǵı jıldıń ótken ayları dawamında aymaqlıq Investiciyalıq baǵdarlama tiykarında respublikamızǵa ulıwma bahası 140,3 million AQSh dolları muǵdarındaǵı tikkeley sırt el investiciyaları tartıldı. Bunda Qubla Koreya menen túrli tarawlarda baylanıslarımız jıldan-jılǵa rawajlanıp barmaqta. Respublikamızda eki dawamında ótkerilip atırǵan xalıqaralıq investiciyalıq forum bul baylanıslarımızdı bunnan bılay da bekkemlewge xızmet etedi.
Óz gezeginde miyman jıllı júzlilik penen qabıl etkeni ushın óz minnetdarshılıǵın bildirip, bul jerde sırt elli investorlarǵa jaratılǵan sharayatlarǵa joqarı baha berdi hám Qubla Koreyada jetekshi kompaniyalardıń biri bolǵan «Caris Co Ltd» tárepinen Beruniy rayonında ulıwma bahası 110 million AQSh dolları bolǵan cement zavodın qurıwdı rejelestirip atırǵanın aytıp ótti.
Qabıllawda keleshekte birge islesiwdi bunnan bılay rawajlandırıw boyınsha óz-ara pikir almasıwlar boldı.