Eń uzaq aymaq turǵınları menen ushırasıw ótkerildi
1828
Usı jıldıń 12-noyabr kúni Qaraqalpaqstan Respublikası Joqarǵı Keńesiniń Baslıǵı M.Erniyazov Nókis qalasınan derlik 450 kilometr uzaqta jaylasqan, respublikamızdıń eń shetki aymaǵı esaplanǵan Qońırat rayonınıń «Qaraqalpaqstan» posyolkalıq puqaralar jıyınınıń turǵınları menen ushırastı.
Qaraqalpaqstan Respublikası Joqarǵı Keńesiniń Baslıǵı M.Erniyazov dáslep «Qońırat» bajıxana postına barıp, bul jerde puqaralar hám jumısshı xızmetkerler ushın jaratılǵan sharayatlar menen tanıstı. Bajıxana sistemasında jumıs alıp barıp atırǵan xızmetkerler, qońsılas Qazaqstan Respublikası aymaǵınan kirip kelip atırǵan hám basqa mámleketlerge shıǵıp ketip atırǵan puqaralar menen pikirlesti. Sonday-aq, «Qońırat» bajıxana postına jaqın jaylasqan eki qabatlı turaq jayda jaratılǵan sharayatlar menen tanısıp, bul jerde jasap atırǵan bajıxana xızmetkerleri menen sáwbetlesti.
Sonıń menen birge, qońsılas Qazaqstan Respublikası menen shegaralas, búgingi kúni úsh mıńnan aslam xalıq jasaytuǵın «Qaraqalpaqstan» posyolkalıq puqaralar jıyınında bolıp, jergilikli xalıq penen ushırastı. Úyme-úy júrip, ashıqtan-ashıq sóylesiw túrinde shólkemlestirilgen ushırasıwda puqaralar tiykarınan jumısqa ornalasıw, turaq jaylardı ońlaw, temir jol transportı hám medicinalıq xızmetti jaqsılaw, jeńilletilgen kredit ajıratıw sıyaqlı máselelerde múrájat etti. Usı múrájatlardıń málim bólegi sol jerde sheshilgen bolsa, tolıq úyrenip shıǵıw hám waqıt talap etetuǵın múrájatlar boyınsha tiyisli basshılarǵa anıq tapsırmalar berildi.
Búgingi kúni respublikamızdıń barlıq aymaqlarındaǵı sıyaqlı posyolkalıq puqaralar jıyınınıń turǵınları da úlken reformalar, dóretiwshilik, tınısh jáne abadan turmıs sharayatlarında jasamaqta. Sonı da ayrıqsha atap ótiw kerek, Prezidentimizdiń tapsırmaları tiykarında ótken qısqa waqıttıń ishinde aymaqtıń sociallıq-ekonomikalıq infrastrukturasın jaqsılaw, xalıqtıń, ásirese, jaslardıń turmıs abadanlıǵın hám bántligin támiyinlew baǵdarında aytarlıqtay jumıslar ámelge asırıldı. Mektepke shekemgi bilimlendiriw, xalıq bilimlendiriwi, sport, mádeniyat, densawlıqtı saqlaw mákemelerinde qurılıs jáne rekonstrukciya jumısları alıp barıldı. Turaq jaylar qurıldı, jollar ońlandı.
Ushırasıw dawamında azıq-awqat, awıl xojalıǵı ónimleriniń yarmarkası shólkemlestirilip, jergilikli xalıq olardı arzan bahalarda satıp alıw imkaniyatına iye boldı. Bunnan tısqarı, posyolkalıq puqaralar jıyınında jasawshı kem támiyinlengen shańaraqlarǵa televizor, azıq-awqat ónimleri, 26-sanlı ulıwma bilim beriw mektebi jámáátine túrli atamadaǵı 200 danadan aslam hár qıylı atamadaǵı kitaplar berildi. Sonday-aq, juwapker basshılar aymaqtaǵı bir qatar sociallıq obektlerde bolıp, olardıń gúzgi-qısqı máwsimge tayarlıǵın kózden ótkerdi.
Kórkem óner ǵayratkerleri tárepinen tayarlanǵan koncert baǵdarlaması bolsa ushırasıw qatnasıwshılarına kóterińki keypiyat baǵıshladı.
Álbette, ózlerine kórsetilip atırǵan bunday itibardan posyolkalıq puqaralar jıyınında jasap atırǵan sociallıq járdemge mútáj insanlardıń kewilleri kóterildi, ózleriniń barlıq waqıtta mámleketimizdiń hám húkimetimizdiń itibarında ekenligin tereńnen sezindi, desek asıra aytqan bolmaymız.
Qaraqalpaqstan Respublikası Joqarǵı Keńesiniń Baslıǵı M.Erniyazov dáslep «Qońırat» bajıxana postına barıp, bul jerde puqaralar hám jumısshı xızmetkerler ushın jaratılǵan sharayatlar menen tanıstı. Bajıxana sistemasında jumıs alıp barıp atırǵan xızmetkerler, qońsılas Qazaqstan Respublikası aymaǵınan kirip kelip atırǵan hám basqa mámleketlerge shıǵıp ketip atırǵan puqaralar menen pikirlesti. Sonday-aq, «Qońırat» bajıxana postına jaqın jaylasqan eki qabatlı turaq jayda jaratılǵan sharayatlar menen tanısıp, bul jerde jasap atırǵan bajıxana xızmetkerleri menen sáwbetlesti.
Sonıń menen birge, qońsılas Qazaqstan Respublikası menen shegaralas, búgingi kúni úsh mıńnan aslam xalıq jasaytuǵın «Qaraqalpaqstan» posyolkalıq puqaralar jıyınında bolıp, jergilikli xalıq penen ushırastı. Úyme-úy júrip, ashıqtan-ashıq sóylesiw túrinde shólkemlestirilgen ushırasıwda puqaralar tiykarınan jumısqa ornalasıw, turaq jaylardı ońlaw, temir jol transportı hám medicinalıq xızmetti jaqsılaw, jeńilletilgen kredit ajıratıw sıyaqlı máselelerde múrájat etti. Usı múrájatlardıń málim bólegi sol jerde sheshilgen bolsa, tolıq úyrenip shıǵıw hám waqıt talap etetuǵın múrájatlar boyınsha tiyisli basshılarǵa anıq tapsırmalar berildi.
Búgingi kúni respublikamızdıń barlıq aymaqlarındaǵı sıyaqlı posyolkalıq puqaralar jıyınınıń turǵınları da úlken reformalar, dóretiwshilik, tınısh jáne abadan turmıs sharayatlarında jasamaqta. Sonı da ayrıqsha atap ótiw kerek, Prezidentimizdiń tapsırmaları tiykarında ótken qısqa waqıttıń ishinde aymaqtıń sociallıq-ekonomikalıq infrastrukturasın jaqsılaw, xalıqtıń, ásirese, jaslardıń turmıs abadanlıǵın hám bántligin támiyinlew baǵdarında aytarlıqtay jumıslar ámelge asırıldı. Mektepke shekemgi bilimlendiriw, xalıq bilimlendiriwi, sport, mádeniyat, densawlıqtı saqlaw mákemelerinde qurılıs jáne rekonstrukciya jumısları alıp barıldı. Turaq jaylar qurıldı, jollar ońlandı.
Ushırasıw dawamında azıq-awqat, awıl xojalıǵı ónimleriniń yarmarkası shólkemlestirilip, jergilikli xalıq olardı arzan bahalarda satıp alıw imkaniyatına iye boldı. Bunnan tısqarı, posyolkalıq puqaralar jıyınında jasawshı kem támiyinlengen shańaraqlarǵa televizor, azıq-awqat ónimleri, 26-sanlı ulıwma bilim beriw mektebi jámáátine túrli atamadaǵı 200 danadan aslam hár qıylı atamadaǵı kitaplar berildi. Sonday-aq, juwapker basshılar aymaqtaǵı bir qatar sociallıq obektlerde bolıp, olardıń gúzgi-qısqı máwsimge tayarlıǵın kózden ótkerdi.
Kórkem óner ǵayratkerleri tárepinen tayarlanǵan koncert baǵdarlaması bolsa ushırasıw qatnasıwshılarına kóterińki keypiyat baǵıshladı.
Álbette, ózlerine kórsetilip atırǵan bunday itibardan posyolkalıq puqaralar jıyınında jasap atırǵan sociallıq járdemge mútáj insanlardıń kewilleri kóterildi, ózleriniń barlıq waqıtta mámleketimizdiń hám húkimetimizdiń itibarında ekenligin tereńnen sezindi, desek asıra aytqan bolmaymız.