Isbilermenlerge múrájat qabıl etildi
2794
Usı jıl 11-noyabr kúni Qaraqalpaqstan Respublikası Joqarǵı Keńesiniń Baslıǵı M.Erniyazov respublikamızda jumıs alıp barıp atırǵan isbilermenler menen videokonferencbaylanıs arqalı pikirlesiw ótkerip, olardıń usınıs hám mashqalaların tıńladı.
Málim bolǵanınday, sońǵı jılları elimizde Prezidentimizdiń basshılıǵında kishi biznes hám jeke isbilermenlikti rawajlandırıwǵa ayrıqsha itibar qaratılıp, isbilermenlerge barlıq sharayatlar jaratılıp berilmekte.
Mámleketimiz basshısı 7-noyabr kúni usı jılda mámleket byudjetine túsimler prognozınıń orınlanıwın támiyinlew, isbilermenlik hám kishi biznesti orınlarda bunnan bılay da rawajlandırıw ushın qosımsha imkaniyatlardı anıqlaw hám iske qosıw boyınsha kórilip atırǵan ilajlardıń nátiyjeliligi jáne bul baǵdardaǵı áhmiyetli wazıypalarǵa baǵıshlanǵan videoselektor májilisinde de buǵan ayrıqsha itibar qarattı.
Ilajda Qaraqalpaqstan Respublikası Joqarǵı Keńesi hám Ministrler Keńesiniń isbilermenlerge múrájatı oqıp esittirildi.
Videokonferenciyada isbilermenlikti rawajlandırıw, olardıń mashqalaların unamlı sheshiw, belgilengen joybarlardıń óz múddetlerinde iske túsiriliwin támiyinlew, byudjet hám eksport prognozınıń orınlanıwı, valyuta operaciyalarında qarızdarlıqtı kemeytiw, xalıqtıń bántligin támiyinlew máseleleri dodalandı.
Bolıp ótken ashıq pikirlesiwde respublikamızdıń basshısı isbilermenlerdi qollap-quwatlawǵa bárha tayar ekenligin bildirip, olardı qıynap atırǵan mashqalalardı tıńladı.
Pikirlesiw dawamında isbilermenler tiykarınan jeńilletilgen kredit, jer maydanın ajıratıw, kommunallıq xızmet kórsetiw, ónimlerdi eksport etiw, bos turǵan obektlerdi «nol»lik bahada satıp alıw sıyaqlı máselelerde múrájat etti hám hesh bir múrájat itibardan shette qalmadı.
Múrájatlardıń belgili bir bólegi ornında óz sheshimin tapqan bolsa, tolıq úyreniw talap etiletuǵın máseleler boyınsha tiyisli taraw basshılarına ózleri rayonlarǵa shıǵıp, isbilermenler menen ushırasıp, mashqalalardı sheshiw boyınsha wazıypalar belgilep berildi.
Maǵlıwmat ushın, Qaraqalpaqstan Respublikasında usı jıldıń ótken dáwirinde «Hár bir shańaraq-isbilermen» mámleketlik baǵdarlaması tiykarında 13 mıń 381 puqaraǵa 276 milliard 718,7 million sum jeńilletilgen kredit qarjısı ajıratıldı.
Sonday-aq, ulıwma maydanı 198,6 gektardan ibarat 7 kishi sanaat zonasında búgingi kúni 123,6 milliard sumlıq 51 joybar jáne 42,3 gektardan ibarat «Nókis» erkin ekonomikalıq zonasında 154 milliard sumlıq 3 joybar iske túsirildi. Qaraqalpaqstan Respublikasındaǵı Ózbekstan Respublikası Bas ministriniń qabıllawxanasına kelip túsken 1 mıń 549 mashqalalı máselelerden 1 mıń 502 másele unamlı sheshildi.
Ilajda Qaraqalpaqstan Respublikası Joqarǵı Keńesi hám Ministrler Keńesiniń isbilermenlerge múrájatı oqıp esittirildi.
Videokonferenciyada isbilermenlikti rawajlandırıw, olardıń mashqalaların unamlı sheshiw, belgilengen joybarlardıń óz múddetlerinde iske túsiriliwin támiyinlew, byudjet hám eksport prognozınıń orınlanıwı, valyuta operaciyalarında qarızdarlıqtı kemeytiw, xalıqtıń bántligin támiyinlew máseleleri dodalandı.
Bolıp ótken ashıq pikirlesiwde respublikamızdıń basshısı isbilermenlerdi qollap-quwatlawǵa bárha tayar ekenligin bildirip, olardı qıynap atırǵan mashqalalardı tıńladı.
Pikirlesiw dawamında isbilermenler tiykarınan jeńilletilgen kredit, jer maydanın ajıratıw, kommunallıq xızmet kórsetiw, ónimlerdi eksport etiw, bos turǵan obektlerdi «nol»lik bahada satıp alıw sıyaqlı máselelerde múrájat etti hám hesh bir múrájat itibardan shette qalmadı.
Múrájatlardıń belgili bir bólegi ornında óz sheshimin tapqan bolsa, tolıq úyreniw talap etiletuǵın máseleler boyınsha tiyisli taraw basshılarına ózleri rayonlarǵa shıǵıp, isbilermenler menen ushırasıp, mashqalalardı sheshiw boyınsha wazıypalar belgilep berildi.
Maǵlıwmat ushın, Qaraqalpaqstan Respublikasında usı jıldıń ótken dáwirinde «Hár bir shańaraq-isbilermen» mámleketlik baǵdarlaması tiykarında 13 mıń 381 puqaraǵa 276 milliard 718,7 million sum jeńilletilgen kredit qarjısı ajıratıldı.
Sonday-aq, ulıwma maydanı 198,6 gektardan ibarat 7 kishi sanaat zonasında búgingi kúni 123,6 milliard sumlıq 51 joybar jáne 42,3 gektardan ibarat «Nókis» erkin ekonomikalıq zonasında 154 milliard sumlıq 3 joybar iske túsirildi. Qaraqalpaqstan Respublikasındaǵı Ózbekstan Respublikası Bas ministriniń qabıllawxanasına kelip túsken 1 mıń 549 mashqalalı máselelerden 1 mıń 502 másele unamlı sheshildi.