Shavkat Mirziyoev: Tashkentte qanday jańalıq bolsa, Nókiske keliwi kerek
2856
Mámleketimiz basshısı Nókis qalasında qurılıp atırǵan kóp etajlı turaq jaylar hám IT-parkti barıp kórdi.
Tátibaev kóshesinde 160 kvartiraǵa arnalǵan eki 16 etajlı turaq jay qurılmaqta. Bul turaq jay kompleksi zamanagóy dizaynda, jer silkiniwine shıdamlı boladı. Sırtqı diywallar bir neshe qatlamnan ibarat ekenligi sebepli turaq jaylar energiyanı únemleydi.
Kompleks 2021-jılı pitkeriledi. Kvartiralar jasaw ushın tayın halda tapsırıladı.
Prezident jańa turaq jaylardıń shou-rumında bolıp, olarda jaratılatuǵın sharayatlar menen tanıstı.
Bul jerde IT-park te qurılmaqta.
Hámmege málim, bıyıl elimizde «Ilim, máripat hám sanlı ekonomikanı rawajlandırıw jılı» dep járiyalanǵan. 8-iyun kúni Prezident janında ótkerilgen tanıstırıwda aymaqlarda tarawdıń rawajlanıwına sharayat jaratıw, Buxara, Namangan, Nókis, Samarqand, Úrgenish hám Jizzaq qalalarında Tashkenttegi IT-park filialların shólkemlestiriw boyınsha wazıypalar belgilep berilgen edi.
Nókis qalasında qurılıp atırǵan IT-park 16 etajdan ibarat boladı. Onı 2021-jılı iske túsiriw jobalastırılǵan.
Mámleketimiz basshısına Qaraqalpaqstanda jaslardı málimleme texnologiyalarına oqıtıw hám usı tarawdaǵı bántligin támiyinlew jobası haqqında maǵlıwmat berildi. IT-parkte málimleme texnologiyaları boyınsha qánigeler awıl xojalıǵı, densawlıqtı saqlaw, kommunal xojalıq, bilimlendiriw, turizm, mádniyat, qurılıs hám transport sıyaqlı tarawlarda hár qıylı perspektivalı joybarlar boyınsha jumıs alıp baradı. Sonday-aq, sanlı texnologiyalar oqıw orayı, kovorking orayı, oqıw hám kibersport bólmelerinde jaslardıń tájiriybesi arttırıladı.
– Tashkentte qanday jańalıq bolsa, Nókiske keliwi kerek, – dedi Prezident. – Jańasha islemesek, zaman qabıl etpeydi.
Mámleketimiz basshısı Tashkent qalasınıń rayonların Nókis qalası máhállelerine biriktiriw, kóshelerdi jaqtılandırıp, abadanlastırıp, sawda hám xızmet kórsetiw shaqapshaların kóbeytiw, xalıqtıń dem alıwı ushın sharayatlardı keńeytiw zárúrligin atap ótti.
Solay etip, Prezident Shavkat Mirziyoevtiń Qaraqalpaqstanǵa saparı juwmaqlandı.
Bul jerde IT-park te qurılmaqta.
Hámmege málim, bıyıl elimizde «Ilim, máripat hám sanlı ekonomikanı rawajlandırıw jılı» dep járiyalanǵan. 8-iyun kúni Prezident janında ótkerilgen tanıstırıwda aymaqlarda tarawdıń rawajlanıwına sharayat jaratıw, Buxara, Namangan, Nókis, Samarqand, Úrgenish hám Jizzaq qalalarında Tashkenttegi IT-park filialların shólkemlestiriw boyınsha wazıypalar belgilep berilgen edi.
Nókis qalasında qurılıp atırǵan IT-park 16 etajdan ibarat boladı. Onı 2021-jılı iske túsiriw jobalastırılǵan.
Mámleketimiz basshısına Qaraqalpaqstanda jaslardı málimleme texnologiyalarına oqıtıw hám usı tarawdaǵı bántligin támiyinlew jobası haqqında maǵlıwmat berildi. IT-parkte málimleme texnologiyaları boyınsha qánigeler awıl xojalıǵı, densawlıqtı saqlaw, kommunal xojalıq, bilimlendiriw, turizm, mádniyat, qurılıs hám transport sıyaqlı tarawlarda hár qıylı perspektivalı joybarlar boyınsha jumıs alıp baradı. Sonday-aq, sanlı texnologiyalar oqıw orayı, kovorking orayı, oqıw hám kibersport bólmelerinde jaslardıń tájiriybesi arttırıladı.
– Tashkentte qanday jańalıq bolsa, Nókiske keliwi kerek, – dedi Prezident. – Jańasha islemesek, zaman qabıl etpeydi.
Mámleketimiz basshısı Tashkent qalasınıń rayonların Nókis qalası máhállelerine biriktiriw, kóshelerdi jaqtılandırıp, abadanlastırıp, sawda hám xızmet kórsetiw shaqapshaların kóbeytiw, xalıqtıń dem alıwı ushın sharayatlardı keńeytiw zárúrligin atap ótti.
Solay etip, Prezident Shavkat Mirziyoevtiń Qaraqalpaqstanǵa saparı juwmaqlandı.
Derek: https://president.uz/