QARAQALPAQSTAN RESPUBLIKASÍ JOQARǴÍ KEŃESINIŃ BASLÍǴÍ M.ERNIYAZOV SAYLAWDA DAWÍS BERDI
2752
Respublikamızda Ózbekstan Respublikası Oliy Majlisi Nızamshılıq palatasına, Qaraqalpaqstan Respublikası Joqarǵı Keńesine, xalıq deputatları rayonlıq hám qalalıq Keńeslerge saylawlar shólkemleskenlik penen ótkerilmekte.
Qaraqalpaqstan Respublikası Joqarǵı Keńesiniń Baslıǵı M.Erniyazov Nókis qalasındaǵı 42-sanlı saylaw uchastkasında bolıp, múnásip talabanlarǵa dawıs berdi. Uchastkalıq saylaw komissiyasınıń baslıǵı Zina Kazbekovanıń atap ótkenindey, aymaqta jámi 2479 saylawshı bolıp, sonnan 52 saylawshı birinshi márte dawıs beredi. Sonday-aq, 57 mayıplıǵı bolǵan saylawshıǵa úylerinde dawıs beriw shólkemlestirilmekte.
Respublikamızdaǵı Ózbekstan Respublikası Oliy Majlisi Nızamshılıq palatasına, Qaraqalpaqstan Respublikası Joqarǵı Keńesine, xalıq deputatları qalalıq hám rayonlıq Keńeslerge saylaw ótkeriwshi barlıq 622 saylaw uchastkasında saylawshılar ushın sharayatlar jaratılǵan. Ózbekstan Respublikası Saylaw kodeksiniń 57-statyasına muwapıq 6378 saylaw ózleriniń konstituciyalıq huqıqlarınan paydalanǵan halda múddetinen aldın dawıs berdi. Saylawlardıń barısın sırt ellerdiń hám xalıqaralıq shólkemlerdiń baqlawshıları baqlap barmaqta.
Hár bir saylawshı «Jańa Ózbekstan-jańa saylawlar» súreni astında ótkerilip atırǵan saylawlarǵa belsene qatnasıp, mámleketimizdiń keleshegi, xalqımızdıń erteńgi abadan turmısına biyparıq emesligin ámelde kórsetpekte.