ÁSKERIY XÍZMETKERLERGE TURAQ JAYLAR TAPSÍRÍLDÍ
2323
Usı jıl 14-yanvar kúni Nókis qalasında Ózbekstan Respublikası Mámleketlik qáwipsizlik xızmeti Qaraqalpaqstan Respublikası basqarması hám Shegara áskerleri áskeriy xızmetkerlerine jańa turaq jaydı paydalanıwǵa tapsırıw saltanatı bolıp ótti.
Ilajda Qaraqalpaqstan Respublikası Joqarǵı Keńesiniń Baslıǵı, aymaqlıq áskeriy-hákimshilik sektorı basshısı M.Erniyazov shıǵıp sóylep, jıynalǵanlardı Ózbekistan Qurallı Kúshleri dúzilgeniniń 28 jıllıǵı hám Watan qorǵawshıları kúni, jańa turaq jaydıń paydalanıwǵa tapsırılıwı menen qutlıqladı.
Atap ótilgenindey, Prezidentimizdiń basshılıǵında Qurallı Kúshler tarawın reformalaw, onıń materiallıq-texnikalıq bazasın bekkemlew, sonıń menen birge, áskeriy xızmetkerdiń shańaraq aǵzaların sociallıq qorǵaw, olardıń xızmet hám jasaw sharayatların jaqsılawǵa ayrıqsha itibar qaratılmaqta. Búgingi kúni jámiyetlik qáwipsizlikti saqlaw, insan huqıqları menen erkinliklerin támiyinlew, xalqımızdı hár qıylı qáwip-qáterlerden hám nızamsız háreketlerden qorǵaw jolında xızmet atqarıp atırǵan Mámleketlik qáwipsizlik xızmeti Qaraqalpaqstan Respublikası basqarması hám Shegara áskerleri áskeriy xızmetkerlerine hár biri 30 kvartiralı eki jańa turaq jaydıń tapsırılıwı bunı ayqın dálilleydi.
Bunnan keyin jańa turaq jaydıń giltleri óz iyelerine saltanatlı jaǵdayda tapsırıldı. Sonday-aq, turaq jay qurılısın sapalı etip qurıp pitkergen qurılısshılarǵa da sawǵalar berildi.
Ilaj qatnasıwshıları jańa turaq jayda jaratılǵan sharayatlar menen tanıstı.
Ilajda Qaraqalpaqstan Respublikası Joqarǵı Keńesiniń Baslıǵı, aymaqlıq áskeriy-hákimshilik sektorı basshısı M.Erniyazov shıǵıp sóylep, jıynalǵanlardı Ózbekistan Qurallı Kúshleri dúzilgeniniń 28 jıllıǵı hám Watan qorǵawshıları kúni, jańa turaq jaydıń paydalanıwǵa tapsırılıwı menen qutlıqladı.
Atap ótilgenindey, Prezidentimizdiń basshılıǵında Qurallı Kúshler tarawın reformalaw, onıń materiallıq-texnikalıq bazasın bekkemlew, sonıń menen birge, áskeriy xızmetkerdiń shańaraq aǵzaların sociallıq qorǵaw, olardıń xızmet hám jasaw sharayatların jaqsılawǵa ayrıqsha itibar qaratılmaqta. Búgingi kúni jámiyetlik qáwipsizlikti saqlaw, insan huqıqları menen erkinliklerin támiyinlew, xalqımızdı hár qıylı qáwip-qáterlerden hám nızamsız háreketlerden qorǵaw jolında xızmet atqarıp atırǵan Mámleketlik qáwipsizlik xızmeti Qaraqalpaqstan Respublikası basqarması hám Shegara áskerleri áskeriy xızmetkerlerine hár biri 30 kvartiralı eki jańa turaq jaydıń tapsırılıwı bunı ayqın dálilleydi.
Bunnan keyin jańa turaq jaydıń giltleri óz iyelerine saltanatlı jaǵdayda tapsırıldı. Sonday-aq, turaq jay qurılısın sapalı etip qurıp pitkergen qurılısshılarǵa da sawǵalar berildi.
Ilaj qatnasıwshıları jańa turaq jayda jaratılǵan sharayatlar menen tanıstı.