QARAQALPAQSTAN RESPUBLIKASÍ JOQARǴÍ KEŃESINIŃ ON BESINShI SESSIYaSÍ HAQQÍNDA MÁLIMLEME
3027
12-fevral kúni Qaraqalpaqstan Respublikası Joqarǵı Keńesiniń on besinshi sessiyası bolıp ótti.
Videokonferencbaylanıs tárizinde ótken sessiyaǵa Ózbekstan Respublikası Oliy Majlisi Senatı, Qaraqalpaqstan Respublikası húkimeti aǵzaları, sektorlardıń hám tarawlardıń basshıları, ǵalaba xabar qurallarınıń wákilleri, sonday-aq, Joqarǵı Keńestiń deputatları qala hám rayon studiyalarında qatnastı.
Sessiyanı Qaraqalpaqstan Respublikası Joqarǵı Keńesi Baslıǵınıń orınbasarı A.Davletov kiris sóz benen ashtı hám basqarıp bardı.
Deputatlar sessiyanıń Sekretariatın sayladı hám kún tártibin tastıyıqladı.
Atap ótilgenindey, Húrmetli Prezidentimiz basshılıǵında mámleketimizde ádil sudlawdı ámelge asırıw, puqaralardıń huqıq hám máplerin qorǵaw, ádillik hám nızam ústinligin támiyinlew baǵdarında nátiyjeli jumıslar ámelge asırılmaqta.
Ózbekstan Respublikası Prezidentiniń 2020-jıl 24-iyuldaǵı «Sudlardıń jumısın bunnan bılay da jetilistiriw hám ádil sudlaw nátiyjeliligin arttırıwǵa baylanıslı qosımsha ilajlar haqqında»ǵı Pármanı sud-huqıq sisteması tarawındaǵı mámleketlik siyasattı sapa jaǵınan jańa basqıshqa kóteriwde, sud hákimiyatınıń ǵárezsizligin támiyinlewde, puqaralardıń huqıq hám erkinliklerin isenimli qorǵaw kepilliklerin kúsheytiwde, ádil sudlawǵa erisiw dárejesin arttırıwǵa qaratılǵan tiykarǵı baǵdarlardı belgilep beriwde ayrıqsha áhmiyetke iye bolmaqta.
Óz náwbetinde, usı pármanda belgilengen wazıypalar puqaralardıń sudpa-sud sergizdan bolıp júriwin saplastırıp, olardıń mashqalaların bir orında sheshiw, sud sistemasın basqarıw máselelerin jetilistiriw, sonday-aq, sudlardı shólkemlestiriwshilik-finanslıq hám materiallıq-texnikalıq jaqtan támiyinlew jumısların jánede jaqsılaw imkaniyatın bermekte.
Kún tártibindegi birinshi másele – yaǵnıy «Qaraqalpaqstan Respublikasınıń Konstituciyasına ózgerisler hám qosımshalar kirgiziw haqqında»ǵı Qaraqalpaqstan Respublikası Nızamınıń joybarı haqqındaǵı másele boyınsha Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri boyınsha komitet baslıǵı Z.Reymova, 45-sanlı «Shomanay» saylaw okruginen deputat, senator, U.Jalmenov sózge shıqtı.
Bul másele boyınsha deputatlar tiyisli qarar qabıl etti.
Bárshemizge belgili, bıyıl mámleketimizde «Jaslardı qollap-quwatlaw hám xalıqtıń salamatlıǵın bekkemlew jılı» dep járiyalanıp, Ózbekstan Respublikası Prezidentiniń 2021-jıl 3-fevraldaǵı «2017-2021-jıllarda Ózbekstan Respublikasın rawajlandırıwdıń bes áhmiyetli baǵdarı boyınsha Háreketler strategiyasın «Jaslardı qollap-quwatlaw hám xalıqtıń salamatlıǵın bekkemlew jılı»nda ámelge asırıwǵa baylanıslı mámleketlik baǵdarlama haqqında»ǵı Pármanı qabıl etildi.
10 fevral sánesinde Húrmetli Prezidentimiz basshılıǵındı usı Mámleketlik baǵdarlamanıń orınlanıwın nátiyjeli shólkemlestiriw boyınsha videoselektor májilisi ótkerildi.
Usı videoselektor májilisinde mámleketimiz basshısı rawajlanıwdan artta qalıp atırǵan rayonlardıń hám awır jaǵdaydaǵı máhállelerdiń jolın, ishimlik suwın hám elektr támiynatın, irrigaciya tarmaǵın jaqsılaw, medicina hám bilimlendiriw sistemasındaǵı reformalardı eń alıs awıllarǵa shekem jetkeriw, jaslar hám hayallardı jumıs penen támiyinlew, diyqanshılıq penen shuǵıllanıwdı qálegen jaslarǵa 10 sotixtan 1 gektarǵa deyin jer ajıratıw hám bul processte jámiyetshilik pikirin inabatqa alıw, aymaqlardaǵı iri ziyarat obektleriniń átirapın abadanlastırıw hám infrastrukturasın jaqsılaw, “Abat awıl” hám “Abat máhálle” baǵdarlamaların orınlardaǵı «ósiw noqatları»nan kelip shıǵıp, qáliplestiriw hám jergilikli keńeslerge usınıw, mádeniyat orayları, muzeyler hám teatr imaratların ońlaw hámde zárúrli inventarlar menen támiyinlew, kommunallıq xızmetler sistemasın jánede jaqsılaw sıyaqlı bir qatar eń áhmiyetli wazıypalarǵa toqtalıp ótti hámde orınlanıwın támiyinlew boyınsha anıq ilajlardı belgilep berdi.
Sessiyada Mámleketlik baǵdarlama jaslardı hár tárepleme qollap-quwatlawda, xalıq arasında salamat turmıs tárizin qáliplestiriwde, ekonomikanı rawajlandırıw arqalı xalıqtıń abadanlıǵın arttırıwda ayrıqsha áhmiyetke iye ekeni, ondaǵı hár bir bánttiń orınlanıwı boyınsha deputatlıq qadaǵalaw ornatılıwı hám anıqlanǵan mashqalalardı saplastırıw boyınsha anıq ilajlar islep shıǵılıwı kerekligi ayrıqsha atap ótildi.
Bunnan tısqarı, hár sherekte bul baǵdarda ámelge asırılıp atırǵan jumıslar, usınıslar, sonıń ishinde, Mámleketlik baǵdarlamanıń orınlanıwı boyınsha sektorlar hám tiyisli shólkemler basshılarınıń esabatların esitip, sın kóz qarastan dodalap barılıwı aytıp ótildi.
Kún tártibindegi ekinshi másele – yaǵnıy «Jaslardı qollap-quwatlaw hám xalıqtıń salamatlıǵın bekkemlew jılı» Mámleketlik baǵdarlamasınıń orınlanıwın nátiyjeli shólkemlestiriw haqqındaǵı másele boyınsha Qaraqalpaqstan Respublikası Ministrler Keńesi Baslıǵınıń orınbasarı M.Jumanov bayanat jasadı.
Sonday-aq, Qaraqalpaqstan Respublikası Joqarǵı Keńesiniń Sociallıq-mádeniy rawajlanıw hám jámiyetlik birlespeler máseleleri komiteti baslıǵı, “Adolat” social-demokratiyalıq partiyasınıń Joqarǵı Keńestegi frakciyası baslıǵı D.Qurbaniyazov, Qaraqalpaqstan Respublikası Joqarǵı Keńesiniń Jaslar siyasatı hám salamat áwladtı tárbiyalaw máseleleri komiteti baslıǵı, senator A.Daniyarov, Ózbekstan «Milliy tiklanish» demokratiyalıq partiyasınıń Joqarǵı Keńestegi frakciyası baslıǵı T.Romanov, Ózbekstan Liberal-demokratiyalıq partiyasınıń Joqarǵı Keńestegi frakciyası baslıǵı Sh.Ótemisov, Ózbekstan Xalıq demokratiyalıq partiyasınıń Joqarǵı Keńestegi frakciyası baslıǵı X.Eshimbetov, Ózbekstan Ekologiyalıq partiyasınıń Joqarǵı Keńestegi frakciyasınıń aǵzası M.Gaipov sózge shıǵıp, Mámleketlik baǵdarlamada belgilep berilgen wazıypalardıń óz múddetlerinde hám sapalı orınlanıwı ústinen turaqlı túrde deputatlıq qadaǵalaw ámelge asırılatuǵının atap ótti.
Bul másele boyınsha deputatlar tiyisli qarar qabıl etti.
Sessiyada “Hayallar dápteri” boyınsha ámelge asırılıp atırǵan jumıslar haqqında Qaraqalpaqstan Respublikası Máhálle hám shańaraqtı qollap-quwatlaw ministrliginiń esabatı haqqındaǵı másele boyınsha ministrdiń birinshi orınbasarı M.Axmedova, Ózbekstan Respublikası Prezidentiniń 2020-jıl 28-yanvardaǵı «Ózbekstan Respublikası awıl xojalıǵın rawajlandırıwdıń 2020-2030-jıllarǵa mólsherlengen strategiyasında belgilengen wazıypalardı 2020-jılda ámelga asırıw ilajları haqqında»ǵı qararı menen tastıyıqlanǵan baǵdarlamasında belgilengen wazıypalardıń Qaraqalpaqstan Respublikasında orınlanıw barısı boyınsha Qaraqalpaqstan Respublikası Awıl xojalıǵı ministriniń esabatı haqqındaǵı másele boyınsha ministr A.Yakubovtıń esabatları tıńlandı hám tiyisli qararlar qabıl etildi.
Sonday-aq, sessiyada Joqarǵı Keńes Prezidiumı tárepinen sessiyalar aralıǵında qabıl etilgen tiyisli qararlardı tastıyıqlaw haqqındaǵı másele kórip shıǵılıp, tiyisli qarar qabıl etildi.
Usınıń menen Qaraqalpaqstan Respublikası Joqarǵı Keńesiniń on besinshi sessiyası óz jumısın juwmaqladı.
Atap ótilgenindey, Húrmetli Prezidentimiz basshılıǵında mámleketimizde ádil sudlawdı ámelge asırıw, puqaralardıń huqıq hám máplerin qorǵaw, ádillik hám nızam ústinligin támiyinlew baǵdarında nátiyjeli jumıslar ámelge asırılmaqta.
Ózbekstan Respublikası Prezidentiniń 2020-jıl 24-iyuldaǵı «Sudlardıń jumısın bunnan bılay da jetilistiriw hám ádil sudlaw nátiyjeliligin arttırıwǵa baylanıslı qosımsha ilajlar haqqında»ǵı Pármanı sud-huqıq sisteması tarawındaǵı mámleketlik siyasattı sapa jaǵınan jańa basqıshqa kóteriwde, sud hákimiyatınıń ǵárezsizligin támiyinlewde, puqaralardıń huqıq hám erkinliklerin isenimli qorǵaw kepilliklerin kúsheytiwde, ádil sudlawǵa erisiw dárejesin arttırıwǵa qaratılǵan tiykarǵı baǵdarlardı belgilep beriwde ayrıqsha áhmiyetke iye bolmaqta.
Óz náwbetinde, usı pármanda belgilengen wazıypalar puqaralardıń sudpa-sud sergizdan bolıp júriwin saplastırıp, olardıń mashqalaların bir orında sheshiw, sud sistemasın basqarıw máselelerin jetilistiriw, sonday-aq, sudlardı shólkemlestiriwshilik-finanslıq hám materiallıq-texnikalıq jaqtan támiyinlew jumısların jánede jaqsılaw imkaniyatın bermekte.
Kún tártibindegi birinshi másele – yaǵnıy «Qaraqalpaqstan Respublikasınıń Konstituciyasına ózgerisler hám qosımshalar kirgiziw haqqında»ǵı Qaraqalpaqstan Respublikası Nızamınıń joybarı haqqındaǵı másele boyınsha Qaraqalpaqstan Respublikası Joqarǵı Keńesiniń Nızamlılıq, sud-huqıq hám korrupciyaǵa qarsı gúresiw máseleleri boyınsha komitet baslıǵı Z.Reymova, 45-sanlı «Shomanay» saylaw okruginen deputat, senator, U.Jalmenov sózge shıqtı.
Bul másele boyınsha deputatlar tiyisli qarar qabıl etti.
Bárshemizge belgili, bıyıl mámleketimizde «Jaslardı qollap-quwatlaw hám xalıqtıń salamatlıǵın bekkemlew jılı» dep járiyalanıp, Ózbekstan Respublikası Prezidentiniń 2021-jıl 3-fevraldaǵı «2017-2021-jıllarda Ózbekstan Respublikasın rawajlandırıwdıń bes áhmiyetli baǵdarı boyınsha Háreketler strategiyasın «Jaslardı qollap-quwatlaw hám xalıqtıń salamatlıǵın bekkemlew jılı»nda ámelge asırıwǵa baylanıslı mámleketlik baǵdarlama haqqında»ǵı Pármanı qabıl etildi.
10 fevral sánesinde Húrmetli Prezidentimiz basshılıǵındı usı Mámleketlik baǵdarlamanıń orınlanıwın nátiyjeli shólkemlestiriw boyınsha videoselektor májilisi ótkerildi.
Usı videoselektor májilisinde mámleketimiz basshısı rawajlanıwdan artta qalıp atırǵan rayonlardıń hám awır jaǵdaydaǵı máhállelerdiń jolın, ishimlik suwın hám elektr támiynatın, irrigaciya tarmaǵın jaqsılaw, medicina hám bilimlendiriw sistemasındaǵı reformalardı eń alıs awıllarǵa shekem jetkeriw, jaslar hám hayallardı jumıs penen támiyinlew, diyqanshılıq penen shuǵıllanıwdı qálegen jaslarǵa 10 sotixtan 1 gektarǵa deyin jer ajıratıw hám bul processte jámiyetshilik pikirin inabatqa alıw, aymaqlardaǵı iri ziyarat obektleriniń átirapın abadanlastırıw hám infrastrukturasın jaqsılaw, “Abat awıl” hám “Abat máhálle” baǵdarlamaların orınlardaǵı «ósiw noqatları»nan kelip shıǵıp, qáliplestiriw hám jergilikli keńeslerge usınıw, mádeniyat orayları, muzeyler hám teatr imaratların ońlaw hámde zárúrli inventarlar menen támiyinlew, kommunallıq xızmetler sistemasın jánede jaqsılaw sıyaqlı bir qatar eń áhmiyetli wazıypalarǵa toqtalıp ótti hámde orınlanıwın támiyinlew boyınsha anıq ilajlardı belgilep berdi.
Sessiyada Mámleketlik baǵdarlama jaslardı hár tárepleme qollap-quwatlawda, xalıq arasında salamat turmıs tárizin qáliplestiriwde, ekonomikanı rawajlandırıw arqalı xalıqtıń abadanlıǵın arttırıwda ayrıqsha áhmiyetke iye ekeni, ondaǵı hár bir bánttiń orınlanıwı boyınsha deputatlıq qadaǵalaw ornatılıwı hám anıqlanǵan mashqalalardı saplastırıw boyınsha anıq ilajlar islep shıǵılıwı kerekligi ayrıqsha atap ótildi.
Bunnan tısqarı, hár sherekte bul baǵdarda ámelge asırılıp atırǵan jumıslar, usınıslar, sonıń ishinde, Mámleketlik baǵdarlamanıń orınlanıwı boyınsha sektorlar hám tiyisli shólkemler basshılarınıń esabatların esitip, sın kóz qarastan dodalap barılıwı aytıp ótildi.
Kún tártibindegi ekinshi másele – yaǵnıy «Jaslardı qollap-quwatlaw hám xalıqtıń salamatlıǵın bekkemlew jılı» Mámleketlik baǵdarlamasınıń orınlanıwın nátiyjeli shólkemlestiriw haqqındaǵı másele boyınsha Qaraqalpaqstan Respublikası Ministrler Keńesi Baslıǵınıń orınbasarı M.Jumanov bayanat jasadı.
Sonday-aq, Qaraqalpaqstan Respublikası Joqarǵı Keńesiniń Sociallıq-mádeniy rawajlanıw hám jámiyetlik birlespeler máseleleri komiteti baslıǵı, “Adolat” social-demokratiyalıq partiyasınıń Joqarǵı Keńestegi frakciyası baslıǵı D.Qurbaniyazov, Qaraqalpaqstan Respublikası Joqarǵı Keńesiniń Jaslar siyasatı hám salamat áwladtı tárbiyalaw máseleleri komiteti baslıǵı, senator A.Daniyarov, Ózbekstan «Milliy tiklanish» demokratiyalıq partiyasınıń Joqarǵı Keńestegi frakciyası baslıǵı T.Romanov, Ózbekstan Liberal-demokratiyalıq partiyasınıń Joqarǵı Keńestegi frakciyası baslıǵı Sh.Ótemisov, Ózbekstan Xalıq demokratiyalıq partiyasınıń Joqarǵı Keńestegi frakciyası baslıǵı X.Eshimbetov, Ózbekstan Ekologiyalıq partiyasınıń Joqarǵı Keńestegi frakciyasınıń aǵzası M.Gaipov sózge shıǵıp, Mámleketlik baǵdarlamada belgilep berilgen wazıypalardıń óz múddetlerinde hám sapalı orınlanıwı ústinen turaqlı túrde deputatlıq qadaǵalaw ámelge asırılatuǵının atap ótti.
Bul másele boyınsha deputatlar tiyisli qarar qabıl etti.
Sessiyada “Hayallar dápteri” boyınsha ámelge asırılıp atırǵan jumıslar haqqında Qaraqalpaqstan Respublikası Máhálle hám shańaraqtı qollap-quwatlaw ministrliginiń esabatı haqqındaǵı másele boyınsha ministrdiń birinshi orınbasarı M.Axmedova, Ózbekstan Respublikası Prezidentiniń 2020-jıl 28-yanvardaǵı «Ózbekstan Respublikası awıl xojalıǵın rawajlandırıwdıń 2020-2030-jıllarǵa mólsherlengen strategiyasında belgilengen wazıypalardı 2020-jılda ámelga asırıw ilajları haqqında»ǵı qararı menen tastıyıqlanǵan baǵdarlamasında belgilengen wazıypalardıń Qaraqalpaqstan Respublikasında orınlanıw barısı boyınsha Qaraqalpaqstan Respublikası Awıl xojalıǵı ministriniń esabatı haqqındaǵı másele boyınsha ministr A.Yakubovtıń esabatları tıńlandı hám tiyisli qararlar qabıl etildi.
Sonday-aq, sessiyada Joqarǵı Keńes Prezidiumı tárepinen sessiyalar aralıǵında qabıl etilgen tiyisli qararlardı tastıyıqlaw haqqındaǵı másele kórip shıǵılıp, tiyisli qarar qabıl etildi.
Usınıń menen Qaraqalpaqstan Respublikası Joqarǵı Keńesiniń on besinshi sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń baspasóz xızmeti M.Habibullaev túsirgen súwretler