Qaraqalpaqstan Respublikası Joqarǵı Keńesiniń on altınshı sessiyası: Qaraqalpaqstan Respublikası sudınıń baslıǵı saylandı
7539
13-fevral kúni Qaraqalpaqstan Respublikası Joqarǵı Keńesiniń on altınshı sessiyası bolıp ótti.
Videokonferensbaylanıs tárizinde ótken sessiyaǵa Ózbekstan Respublikası Oliy Majlisi Senatı, Qaraqalpaqstan Respublikası húkimeti aǵzaları, tiyisli tarawlardıń basshıları, ǵalaba xabar qurallarınıń wákilleri, sonday-aq, Joqarǵı Keńestiń deputatları qala hám rayon studiyalarında qatnastı.
Sessiyanı Qaraqalpaqstan Respublikası Joqarǵı Keńesi Baslıǵınıń orınbasarı A.Davletov kiris sóz benen ashtı hám basqarıp bardı.
Deputatlar sessiyanıń Sekretariatın sayladı hám kún tártibin tastıyıqladı.
Atap ótilgenindey, Húrmetli Prezidentimiz tárepinen qabıl etilgen arnawlı Párman menen sud sistemasına shólkemlestiriwshilik-strukturalıq ózgerisler kirgizildi. Usı tiykarda aymaǵımızdaǵı jınayat, ekonomikalıq hám puqaralıq sudları birlestirilip, olardıń tiykarında sudyalardıń qatań qánigelestiriliwin saqlap qalǵan halda Qaraqalpaqstan Respublikası sudı shólkemlestirildi.
Sud tarawına kirgizilgen ózgerislerdi esapqa alıp, Qaraqalpaqstan Respublikası Joqarǵı Keńesiniń on besinshi sessiyasında Qaraqalpaqstan Respublikasınıń Konstituciyasınıń tiyisli statyalarına qosımshalar kirgizildi hám deputatlarımız tárepinen qollap-quwatlanıp, Nızam qabıl etildi.
Sessiya kún tártibinde «Qaraqalpaqstan Respublikası sudınıń baslıǵın saylaw haqkında»ǵı másele kórip shıǵıldı.
Qaraqalpaqstan Respublikası Konstituciyası hám «Sudlar haqqında»ǵı Ózbekstan Respublikası Nızamı talaplarına muwapıq, Bazarbaeva Gulnara Jumanazarovnanı Qaraqalpaqstan Respublikası sudınıń baslıǵı etip saylaw haqqındaǵı Qaraqalpaqstan Respublikası Joqarǵı Keńesi Baslıǵınıń usınısnaması deputatlardıń itibarına usınıldı.
Bul másele boyınsha deputatlar tiyisli qarar qabıl etti - Bazarbaeva Gulnara Jumanazarovna bes jıllıq múddetke Qaraqalpaqstan Respublikası sudınıń baslıǵı lawazımına saylandı.
Usınıń menen Qaraqalpaqstan Respublikası Joqarǵı Keńesiniń on altınshı sessiyası óz jumısın juwmaqladı.
Atap ótilgenindey, Húrmetli Prezidentimiz tárepinen qabıl etilgen arnawlı Párman menen sud sistemasına shólkemlestiriwshilik-strukturalıq ózgerisler kirgizildi. Usı tiykarda aymaǵımızdaǵı jınayat, ekonomikalıq hám puqaralıq sudları birlestirilip, olardıń tiykarında sudyalardıń qatań qánigelestiriliwin saqlap qalǵan halda Qaraqalpaqstan Respublikası sudı shólkemlestirildi.
Sud tarawına kirgizilgen ózgerislerdi esapqa alıp, Qaraqalpaqstan Respublikası Joqarǵı Keńesiniń on besinshi sessiyasında Qaraqalpaqstan Respublikasınıń Konstituciyasınıń tiyisli statyalarına qosımshalar kirgizildi hám deputatlarımız tárepinen qollap-quwatlanıp, Nızam qabıl etildi.
Sessiya kún tártibinde «Qaraqalpaqstan Respublikası sudınıń baslıǵın saylaw haqkında»ǵı másele kórip shıǵıldı.
Qaraqalpaqstan Respublikası Konstituciyası hám «Sudlar haqqında»ǵı Ózbekstan Respublikası Nızamı talaplarına muwapıq, Bazarbaeva Gulnara Jumanazarovnanı Qaraqalpaqstan Respublikası sudınıń baslıǵı etip saylaw haqqındaǵı Qaraqalpaqstan Respublikası Joqarǵı Keńesi Baslıǵınıń usınısnaması deputatlardıń itibarına usınıldı.
Bul másele boyınsha deputatlar tiyisli qarar qabıl etti - Bazarbaeva Gulnara Jumanazarovna bes jıllıq múddetke Qaraqalpaqstan Respublikası sudınıń baslıǵı lawazımına saylandı.
Usınıń menen Qaraqalpaqstan Respublikası Joqarǵı Keńesiniń on altınshı sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń baspasóz xızmeti