WATAN QORǴAWSHÍLARÍ KÚNI BELGILENDI
6768
Respublikamızda Watan qorǵawshıları kúni hám Qurallı Kúshlerimiz dúzilgeniniń 28 jıllıǵı keń túrde belgilendi.
14-yanvar kúni paytaxtımızdaǵı «Hásiretli ana» esteligine Qaraqalpaqstan Respublikası Joqarǵı Keńesi menen Ministrler Keńesi, Arqa-Batıs áskeriy okrugi, huqıq qorǵaw uyımları, miynet jámáátleri, oqıw orınları, urıs hám miynet veteranları atınan gúl sheńberleri qoyıldı.
Bayram múnásibeti menen oraylıq kóshe boylap bayraqlarımızdı bálent kótergen áskeriy xızmetkerlerdiń sap tartıp júriwi boldı.
Berdaq atındaǵı Qaraqalpaq mámleketlik akademiyalıq muzıkalı teatrında bayramǵa baǵıshlanǵan saltanatlı májilis bolıp ótti.
Ilajǵa Qaraqalpaqstan Respublikası Joqarǵı Keńesiniń deputatları, húkimet aǵzaları, huqıq qorǵaw uyımlarınıń basshıları, oficer hám serjantlar, áskeriy xızmetkerler hám olardıń shańaraq aǵzaları, keń jámiyetshilik wákilleri qatnastı.
Ilajdı Nókis qalasınıń hákimi P.Tureshev basqarıp bardı.
Ózbekstan hám Qaraqalpaqstan Respublikalarınıń mámleketlik gimnleri atqarıldı.
Májiliste Qaraqalpaqstan Respublikası Joqarǵı Keńesiniń Baslıǵı, aymaqlıq áskeriy-hákimshilik sektorı basshısı M.Erniyazov Ózbekstan Respublikası Prezidenti, Qurallı Kúshler Joqarǵı Bas Sárkardası Sh.Mirziyoevtiń Ózbekistan Qurallı Kúshlerimiz dúzilgeniniń 28 jıllıǵı hám Watan qorǵawshıları kúni múnásibeti menen jollaǵan bayram qutlıqlawın oqıp esittirip, Qaraqalpaqstan Respublikası Joqarǵı Keńesi hám Ministrler Keńesi atınan Watan qorǵawshıları kúni bayramı menen qutlıqladı.
Atap ótilgenindey, Prezidentimizdiń bul qutlıqlawı kewillerge kúsh-quwat baǵıshlawı menen birge, bársheni iygilikli islerge, usınday tınısh-tatıw hám baxıtlı elge xızmet etiwge ruxlandıradı. Haqıyqatında da, barlıq xalıqlar ushın mámlekettiń qáwipsizligi, eldiń tınıshlıǵı, xalıqtıń abadanlıǵı baslı baylıq bolıp tabıladı. Solay eken, ata-babamızdan bizge miyras bolıp kiyatırǵan ana Watanımızdı qásterlep saqlaw, elimizdiń tınıshlıǵın támiyinlew hár birimiz ushın muqaddes parız bolıp tabıladı. Sonlıqtanda bul sáne Watan súyiwshilik, xalqımızǵa sadıqlıq, mártlik hám erlik sıyaqlı joqarı insanıylıq qádiriyatlardı ózinde jámleytuǵın bayram sıpatında kewillerden tereń orın iyeleydi.
Qurallı Kúshlerimizdiń áskeriy texnikalıq hám zamanagóy kadrlar potencialın kúsheytiw menen birge áskeriy xızmetkerlerdi materiallıq hám ruwxıy jaqtan qollap-quwatlaw, olardıń jasaw sharayatların jaqsılaw, shańaraq aǵzaları ushın qolaylı sharayatlar jaratıwǵa baylanıslı keń kólemli jumıslar alıp barılmaqta. Bunıń ámeliy kórinisi sıpatında ótken jıldıń ózinde áskeriy-hákimshilik sektorınıń jumısların rawajlandırıw maqsetinde 16 obektte qurılıs-ońlaw jumısların alıp barıw ushın jergilikli byudjetten 20 milliard sumnan zıyat qarjı ajıratılıp, Milliy gvardiyanıń 9 obektinde 33 milliard sumlıq qurılıs-ońlaw jumısları alıp barıldı. Sonday-aq, Arqa-Batıs áskeriy okrugi xızmetkerleri ushın 30 kvartiralı, Mámleketlik qáwipsizlik xızmetine qaraslı shegara áskerleri áskeriy xızmetkerleri ushın 48 kvartiralı turaq jay, Ishki isler ministrliginiń Shıpakerlik bólimi gospitalınıń zamanagóy eki etajlı imaratı paydalanıwǵa tapsırıldı. Bunday iygilikli isler bıyılǵı jılı da dawam etip, Arqa-Batıs áskeriy okrugi, Milliy gvardiya, Ishki isler uyımları xızmetkerleri ushın 120 kvartiralı 4 turaq jaydı paydalanıwǵa tapsırıw rejelestirilmekte.
Bayram múnásibeti menen huqıq qorǵaw uyımları, Qorǵanıw hám Ayrıqsha jaǵdaylar ministrlikleri xızmetkerleriniń bir toparı Prezidentimizdiń pármanı, Qaraqalpaqstan Respublikası Joqarǵı Keńesi Prezidiumınıń qararı tiykarında mámleketlik sıylıqlar, orden hám medallar, kókirek belgileri menen sıylıqlandı. Ilajda usı sıylıqlar saltanatlı jaǵdayda tapsırıldı.
Májiliste Ózbekstan xalıq artisti Z.Ashurova, Ózbekstan Milliy gvardiyası basqarma baslıǵı, «Jasorat» medalı iyesi M.Yusupov, Ózbekstan Respublikası Ayrıqsha jaǵdaylar ministrligi-Qaraqalpaqstan Respublikası Ayrıqsha jaǵdaylar basqarması operativ basqarıw orayınıń baslıǵı, «Sadıq xızmetleri ushın» medalınıń iyesi Sh.Qadirov, Ózbekstan Respublikası Mámleketlik qáwipsizlik xızmeti shegara áskerleri áskeriy bóliminiń áskeriy xızmetkeri, «Úmit ushqını» kókirek belgisi iyesi A.Ibragimova shıǵıp sóylep, áskeriy xızmetkerlerge kórsetilip atırǵan ayrıqsha itibar jáne ǵamqorlıǵı ushın Prezidentimiz, Qurallı Kúshler Joqarǵı Bas Sárkardası Sh.Mirziyoevqa sheksiz minnetdarshılıq bildirdi.
Saltanatlı májilis respublika kórkem óner sheberleriniń bayram kocerti menen juwmaqlandı.
14-yanvar kúni paytaxtımızdaǵı «Hásiretli ana» esteligine Qaraqalpaqstan Respublikası Joqarǵı Keńesi menen Ministrler Keńesi, Arqa-Batıs áskeriy okrugi, huqıq qorǵaw uyımları, miynet jámáátleri, oqıw orınları, urıs hám miynet veteranları atınan gúl sheńberleri qoyıldı.
Bayram múnásibeti menen oraylıq kóshe boylap bayraqlarımızdı bálent kótergen áskeriy xızmetkerlerdiń sap tartıp júriwi boldı.
Berdaq atındaǵı Qaraqalpaq mámleketlik akademiyalıq muzıkalı teatrında bayramǵa baǵıshlanǵan saltanatlı májilis bolıp ótti.
Ilajǵa Qaraqalpaqstan Respublikası Joqarǵı Keńesiniń deputatları, húkimet aǵzaları, huqıq qorǵaw uyımlarınıń basshıları, oficer hám serjantlar, áskeriy xızmetkerler hám olardıń shańaraq aǵzaları, keń jámiyetshilik wákilleri qatnastı.
Ilajdı Nókis qalasınıń hákimi P.Tureshev basqarıp bardı.
Ózbekstan hám Qaraqalpaqstan Respublikalarınıń mámleketlik gimnleri atqarıldı.
Májiliste Qaraqalpaqstan Respublikası Joqarǵı Keńesiniń Baslıǵı, aymaqlıq áskeriy-hákimshilik sektorı basshısı M.Erniyazov Ózbekstan Respublikası Prezidenti, Qurallı Kúshler Joqarǵı Bas Sárkardası Sh.Mirziyoevtiń Ózbekistan Qurallı Kúshlerimiz dúzilgeniniń 28 jıllıǵı hám Watan qorǵawshıları kúni múnásibeti menen jollaǵan bayram qutlıqlawın oqıp esittirip, Qaraqalpaqstan Respublikası Joqarǵı Keńesi hám Ministrler Keńesi atınan Watan qorǵawshıları kúni bayramı menen qutlıqladı.
Atap ótilgenindey, Prezidentimizdiń bul qutlıqlawı kewillerge kúsh-quwat baǵıshlawı menen birge, bársheni iygilikli islerge, usınday tınısh-tatıw hám baxıtlı elge xızmet etiwge ruxlandıradı. Haqıyqatında da, barlıq xalıqlar ushın mámlekettiń qáwipsizligi, eldiń tınıshlıǵı, xalıqtıń abadanlıǵı baslı baylıq bolıp tabıladı. Solay eken, ata-babamızdan bizge miyras bolıp kiyatırǵan ana Watanımızdı qásterlep saqlaw, elimizdiń tınıshlıǵın támiyinlew hár birimiz ushın muqaddes parız bolıp tabıladı. Sonlıqtanda bul sáne Watan súyiwshilik, xalqımızǵa sadıqlıq, mártlik hám erlik sıyaqlı joqarı insanıylıq qádiriyatlardı ózinde jámleytuǵın bayram sıpatında kewillerden tereń orın iyeleydi.
Qurallı Kúshlerimizdiń áskeriy texnikalıq hám zamanagóy kadrlar potencialın kúsheytiw menen birge áskeriy xızmetkerlerdi materiallıq hám ruwxıy jaqtan qollap-quwatlaw, olardıń jasaw sharayatların jaqsılaw, shańaraq aǵzaları ushın qolaylı sharayatlar jaratıwǵa baylanıslı keń kólemli jumıslar alıp barılmaqta. Bunıń ámeliy kórinisi sıpatında ótken jıldıń ózinde áskeriy-hákimshilik sektorınıń jumısların rawajlandırıw maqsetinde 16 obektte qurılıs-ońlaw jumısların alıp barıw ushın jergilikli byudjetten 20 milliard sumnan zıyat qarjı ajıratılıp, Milliy gvardiyanıń 9 obektinde 33 milliard sumlıq qurılıs-ońlaw jumısları alıp barıldı. Sonday-aq, Arqa-Batıs áskeriy okrugi xızmetkerleri ushın 30 kvartiralı, Mámleketlik qáwipsizlik xızmetine qaraslı shegara áskerleri áskeriy xızmetkerleri ushın 48 kvartiralı turaq jay, Ishki isler ministrliginiń Shıpakerlik bólimi gospitalınıń zamanagóy eki etajlı imaratı paydalanıwǵa tapsırıldı. Bunday iygilikli isler bıyılǵı jılı da dawam etip, Arqa-Batıs áskeriy okrugi, Milliy gvardiya, Ishki isler uyımları xızmetkerleri ushın 120 kvartiralı 4 turaq jaydı paydalanıwǵa tapsırıw rejelestirilmekte.
Bayram múnásibeti menen huqıq qorǵaw uyımları, Qorǵanıw hám Ayrıqsha jaǵdaylar ministrlikleri xızmetkerleriniń bir toparı Prezidentimizdiń pármanı, Qaraqalpaqstan Respublikası Joqarǵı Keńesi Prezidiumınıń qararı tiykarında mámleketlik sıylıqlar, orden hám medallar, kókirek belgileri menen sıylıqlandı. Ilajda usı sıylıqlar saltanatlı jaǵdayda tapsırıldı.
Májiliste Ózbekstan xalıq artisti Z.Ashurova, Ózbekstan Milliy gvardiyası basqarma baslıǵı, «Jasorat» medalı iyesi M.Yusupov, Ózbekstan Respublikası Ayrıqsha jaǵdaylar ministrligi-Qaraqalpaqstan Respublikası Ayrıqsha jaǵdaylar basqarması operativ basqarıw orayınıń baslıǵı, «Sadıq xızmetleri ushın» medalınıń iyesi Sh.Qadirov, Ózbekstan Respublikası Mámleketlik qáwipsizlik xızmeti shegara áskerleri áskeriy bóliminiń áskeriy xızmetkeri, «Úmit ushqını» kókirek belgisi iyesi A.Ibragimova shıǵıp sóylep, áskeriy xızmetkerlerge kórsetilip atırǵan ayrıqsha itibar jáne ǵamqorlıǵı ushın Prezidentimiz, Qurallı Kúshler Joqarǵı Bas Sárkardası Sh.Mirziyoevqa sheksiz minnetdarshılıq bildirdi.
Saltanatlı májilis respublika kórkem óner sheberleriniń bayram kocerti menen juwmaqlandı.