Frakciya esabatı tıńlandı
1911
27-fevral kúni Ózbekstan Xalıq demokratiyalıq partiyasınıń Qaraqalpaqstan Respublikası Joqarǵı Keńesindegi frakciyasınıń 2020-jılda ámelge asırǵan jumısları haqqındaǵı esabat májilisi bolıp ótti.
Májilisti Qaraqalpaqstan Respublikası Joqarǵı Keńesi Baslıǵınıń orınbasarı A.Davletov kiris sóz benen ashıp berdi.
Atap ótilgenindey, deputatlardıń júzege kelgen mashqalalı máselelerdi sheshiwinde, puqaralardıń huqıq hám nızam menen qorǵalatuǵın máplerin qorǵawında, deputatlıq qadaǵalawdı ornatıwında frakciyanıń ornı ayrıqsha áhmiyetke iye.
Siyasiy partiyalardıń Joqarǵı Keńestegi frakciyası Joqarǵı Keńes sessiyasında dodalanıp atırǵan máselelerdi kórip shıǵıw hám mazmunı boyınsha usınıslar hámde pikirler kiritiw, mámleketlik hákimiyat hám basqarıw uyımlarınıń lawazımlı shaxslarına olardıń wákilligine kirgizilgen máseleler boyınsha tiykarlanǵan túsindiriwler alıw, Joqarǵı Keńeste dodalanıp atırǵan nızam joybarları hám basqa da qararlardıń joybarları boyınsha óz usınısların kirgiziw, húkimet aǵzaların olardıń jumısı máseleleri boyınsha tıńlaw haqqında másele qoyıw, frakciyanıń jumısı ushın zárúrli materiallar hám hújjetlerdi mámleketlik uyımlar hámde olardıń lawazımlı shaxslarınan talap etip alıw hámde nızam hújjetlerine muwapıq basqa da wákilliklerge iye.
Ózbekstan Xalıq demokratiyalıq partiyasınıń Qaraqalpaqstan Respublikası Joqarǵı Keńesindegi frakciyası aǵzaları da óz wákilligi sheńberinde mámleketimizde ámelge asırılıp atırǵan keń kólemli reformalarda belsene qatnasıwǵa háreket etip kelmekte.
2020-jıl dawamında frakciya aǵzaları bir qatar nızam joybarları hám koncepciyaların islep shıǵıwda belsene qatnastı. Bunnan tısqarı, ótken jılǵı pandemiya dáwirinde frakciya aǵzaları menen jalǵız kekselerge, baǵıwshısın joǵaltqan shańaraklarǵa, mayıplıǵı bolǵan shaxslarǵa, alıs aymaqta jasaytuǵın járdemge mútáj shańaraqlarǵa azıq-awqatlıq ónimler, gigienalıq qurallar hám dári-dármaqlar jetkerip beriw hámde karantin qaǵıydalarına boysınıw ústinen jámiyetlik qadaǵalawdı ornatıwda belsendilik kórsetti.
Sonday-aq, frakciya aǵzaları tárepinen bir qatar kemshiliklerge de jol qoyılıp atırǵanlıǵı sınǵa alındı hám olardı saplastırıw hámde deputatlardıń belsendiligin elede arttırıw boyınsha usınıslar berildi.
Májiliste Ózbekstan Xalıq demokratiyalıq partiyasınıń Qaraqalpaqstan Respublikası Joqarǵı Keńesindegi frakciyasınıń baslıǵı, deputat X.Eshimbetovtıń frakciya tárepinen 2020-jılda ámelge asırılǵan jumıslar haqqındaǵı esabatı tıńlandı.
Májilis kún tártibindegi másele boyınsha pikir-usınıslar tıńlandı hám tiyisli qarar qabıl etildi.
Atap ótilgenindey, deputatlardıń júzege kelgen mashqalalı máselelerdi sheshiwinde, puqaralardıń huqıq hám nızam menen qorǵalatuǵın máplerin qorǵawında, deputatlıq qadaǵalawdı ornatıwında frakciyanıń ornı ayrıqsha áhmiyetke iye.
Siyasiy partiyalardıń Joqarǵı Keńestegi frakciyası Joqarǵı Keńes sessiyasında dodalanıp atırǵan máselelerdi kórip shıǵıw hám mazmunı boyınsha usınıslar hámde pikirler kiritiw, mámleketlik hákimiyat hám basqarıw uyımlarınıń lawazımlı shaxslarına olardıń wákilligine kirgizilgen máseleler boyınsha tiykarlanǵan túsindiriwler alıw, Joqarǵı Keńeste dodalanıp atırǵan nızam joybarları hám basqa da qararlardıń joybarları boyınsha óz usınısların kirgiziw, húkimet aǵzaların olardıń jumısı máseleleri boyınsha tıńlaw haqqında másele qoyıw, frakciyanıń jumısı ushın zárúrli materiallar hám hújjetlerdi mámleketlik uyımlar hámde olardıń lawazımlı shaxslarınan talap etip alıw hámde nızam hújjetlerine muwapıq basqa da wákilliklerge iye.
Ózbekstan Xalıq demokratiyalıq partiyasınıń Qaraqalpaqstan Respublikası Joqarǵı Keńesindegi frakciyası aǵzaları da óz wákilligi sheńberinde mámleketimizde ámelge asırılıp atırǵan keń kólemli reformalarda belsene qatnasıwǵa háreket etip kelmekte.
2020-jıl dawamında frakciya aǵzaları bir qatar nızam joybarları hám koncepciyaların islep shıǵıwda belsene qatnastı. Bunnan tısqarı, ótken jılǵı pandemiya dáwirinde frakciya aǵzaları menen jalǵız kekselerge, baǵıwshısın joǵaltqan shańaraklarǵa, mayıplıǵı bolǵan shaxslarǵa, alıs aymaqta jasaytuǵın járdemge mútáj shańaraqlarǵa azıq-awqatlıq ónimler, gigienalıq qurallar hám dári-dármaqlar jetkerip beriw hámde karantin qaǵıydalarına boysınıw ústinen jámiyetlik qadaǵalawdı ornatıwda belsendilik kórsetti.
Sonday-aq, frakciya aǵzaları tárepinen bir qatar kemshiliklerge de jol qoyılıp atırǵanlıǵı sınǵa alındı hám olardı saplastırıw hámde deputatlardıń belsendiligin elede arttırıw boyınsha usınıslar berildi.
Májiliste Ózbekstan Xalıq demokratiyalıq partiyasınıń Qaraqalpaqstan Respublikası Joqarǵı Keńesindegi frakciyasınıń baslıǵı, deputat X.Eshimbetovtıń frakciya tárepinen 2020-jılda ámelge asırılǵan jumıslar haqqındaǵı esabatı tıńlandı.
Májilis kún tártibindegi másele boyınsha pikir-usınıslar tıńlandı hám tiyisli qarar qabıl etildi.
M.Habibullaev túsirgen súwretler